"Инновацион ёндашув асосида ўқитувчи шахсининг касбий-педагогик фаолияти" модулини ўқитиш методикасининг назарий масалалари

Дарснинг мақсади: Талабаларга “Инновацион ёндашув асосида ўқитувчи шахсининг касбий-педагогик фаолияти” модулини ўқитишни назарий амалий ўрганиш ва уларда иқтисодий билим, кўникма ва малакаларни шакллантиришдан иборат.
Дарснинг бориши:
Ташкилий қисм: талабалар билан саломлашиб, аудиториянинг умумий ҳолатини, талабаларнинг дарсга тайёргарлигини назорат қилиш, йўқлама қилиш.
Асосий қисм: Аввалги дарсларда ўтилган мавзуларни такрорлаш ва мустаҳкамлаш ҳамда янги мавзуни баён этишга асос тайёрлаш мақсадида тегишли саволлар билан талабаларга мурожаат қилинади. Сўнгра янги мавзу баёни қуйидаги режа асосида ташкил этилади:
1. Инновацион ёндашув тушунчаси, унинг моҳияти, ривожланиш шарт-шароитлари.
2. Ўқитувчи шахсининг касбий- педагогик фаолияти.
3. Ўқитувчининг касбий-педагогик фаолиятида инновацион технологияларнинг аҳамияти.
Дарс жиҳозлари: Президент асарлари, буклетлар, фото альбомлар, жадвал ва графиклар.
Дарсда қўлланиладиган воситалар: компьютер, видео кўзгу, проектор, мултимедия.
Дарс ўтишда қўлланиладиган услублар: оғзаки, кўргазмали, амалий, , суҳбат, интервью.
Дарс ўтиш технологияси: интервью, Кластер, Бумеранг, аниқлаштирилган мақсадли дифференциал технология.
Режа саволларига жавоб беришга ўтишдан аввал ўқитувчи талабаларни инновация, ўқитувчи шахсининг касбий- педагогик фаолияти тушунчаларини қай даражада тушунишларини ўрганиш мақсадида, бир вақтнинг ўзида ИНТЕРВЬЮ, БУМЕРАНГ, КЛАСТЕР технологияларидан фойдаланиб уларга қуйидаги саволлар билан мурожат қилиши мумкин: (саволлар берилишидан аввал ўқитувчи гуруҳни учга бўлиб олади. Ҳар бир гуруҳга тегишли технология топшириқлари берилади):
ИНТЕРВЬЮ технологияси бўйича: Айтингларчи, инновация ва инновацион технологиялар тушунчалари бир-биридан нимаси билан фарқ қилади? (албатта, талабалар ўз жавобларини кетма-кетликда баён этадилар)
БУМЕРАНГ технологияси бўйича мавзуга оид саволлар иккинчи гуруҳга берилади, лекин улар жавобларини ёзма равишда баён этишлари уқтирилади).