Informatika va programmalash

Kompilatsiya (Compile) opsiyasi. Bu opsiyada tahrirdagi programmani ishga tushirmasdan kompilatsiyadan o‘tkazish va kompilatorga ma’lum bir ko‘rsatmalar berish mumkin. Masalan, kompilatsiyadan o‘tgan va ishlashga tayyor programmani qayerga joylash: xotiraga yoki diskka, yoki programma matnidagi xatosi bor operatorni topish, programma hajmi haqida va u ishlatadigan stek, ma’lumotlar segmenti va dinamik xotira to‘g‘risida ma’lumot olish mumkin. Opsiya chaqirilganda ekranda quyidagi menu paydo bo‘ladi.



Compile Alt-F9
Make F9
Build
Distination Disk
Find Error
Primary File: Main.pas
Get Info

Kompilatsiya
Programma yaratish
O‘zgarishlarni hisobga olish
Kompilyatsiya chiqishi Disk
Xatoni izlash
Bosh fayl: Main.pas
Ma’lumot

tarjimasi

Bu menuning ikkita opsiyasini ko‘ramiz.

Compile opsiyasi. Tahrir xotirasiga yuklangan programmani kompilyatsiya qiladi. Agar programma matnida grammatik xato bo‘lsa, kompilator birinchi xatoni uchratishi bilan ishini to‘xtatadi va tahrir rejimiga qaytib kursor bilan xato bor joy ko‘rsatadi. Xato tuzatilib programmani yana kompilyatsiyaga berish mumkin. Bu opsiya tahrir rejimidan Alt-F9 orqali chaqiriladi.
Destination opsiyasi kompilyatsiya jarayoni natijasi–ishchi programmani qaysi qurilmaga chiqishini boshqaradi. Agar Destination satrining o‘ng tomonida Memory (Xotira) turgan bo‘lsa u holda kompilatordan chiquvchi fayl (ishchi programma) operativ xotirada hosil bo‘ladi va ishga tushirilishi mumkin. Agar satr Destination Disc ko‘rinishida bo‘lsa, kompilyatsiyadan chiquvchi fayl diskka yoziladi.
Diskda tahrirdagi fayl nomi bilan bir xil, lekin turi ".exe" bo‘lgan ishchi fayl paydo bo‘ladi. Hosil bo‘lgan faylni TP muhitidan tashqarida ishga tushirish mumkin.
Hisoblash (Run) opsiyasi. Asosiy menuning Run opsiyasi tanlangandan keyin ekranda qo‘shimcha menu paydo bo‘ladi:



Hisoblash
Tekshiruvdan chiqish
Kursorgacha bajarish
Blokga kirish orqali bajarish
Blokni cheklash orqali bajarish
Foydalanuvchi ekrani



tarjimasi

Run opsiyasi. Tahrir xotirasidagi programmani kompilyatsiya qiladi, yig‘adi va ishga tushiradi. Programmani ishlash jarayonida ekran programma natijasi ekraniga aylanadi. Programma muvaffaqiyatli tugallangandan keyin tahrir oynasi yana tiklanadi. Hisobning (Run) ixtiyoriy bosqichida xato bo‘lsa, boshqaruv avtomatik ravishda tahrir rejimiga qaytib, kursor programma matnidagi xato joyni ko‘rsatib turadi va tahrir oynasida bu haqda qisqacha ma’lumot paydo bo‘ladi (bu vaqtda F1 tugmasi bosilsa, xato haqida to‘laroq ma’lumot olish mumkin). Agar programma muvaffaqiyatli hisoblanib, tahrir oynasiga qaytgandan keyin programma natija oynasini ko‘rish uchun User screen opsiyasini tanlang (yoki Alt-F5 tugmalarini bosiladi). Run opsiyasini tahrir rejimdan Ctrl-F9 tugmalarini bosish orqali chaqirish mumkin.