Informatika 8-sinf UzB new 2015 каракалпак pmd

Soraw ha’m tapsi’rmalar
1. Esaplaw texnikasi’ neshe da’wirdi wo’z ishine aladi’?
2. Birinshi ta’biyiy yesaplaw qurallari’na mi’sallar keltirin’.
3. Da’slepki yen’ a’piwayi’ jasalma yesaplaw a’sbaplari’n ayti’p berin’.
4. Birinshi mexanikali’q yesaplaw mashinasi’n kim jobalasti’rg’an?
5. Bebbij mashinasi’n yesaplaw texnikasi’ rawajlani’wi’ndag’i’ a’hmiyeti
haqqi’nda ayti’p berin’.
6. Konrad Suzenin’ elektromexanikali’q mashinasi’ qanday imkaniyat-
lardi’ ashi’p berdi?
7. “Mark-1” ha’m “ENIAC” yesaplaw mashinalari’ni’n’ ayi’rma-
shi’li’g’i’n tu’sindirin’.
Shi’ni’g’i’wlar
1. Wo’zin’iz usi’ jasi’n’i’zg’a shekem paydalang’an ta’biyiy ha’m
jasalma yesaplaw qurallari’ kestesin du’zin’ ha’m wo’tmishtegi
yesaplaw qurallari’ menen sali’sti’ri’n’.
2. Internet tarmag’i’nan izlew sistemasi’ ja’rdeminde “Apple”, “IBM”
ha’m “Paskal” gilt so’zleri ja’rdeminde yesaplaw texnikasi’ni’n’
rawajlani’wi’na  tiyisli mag’luwmatlar  izlep,  u’yreni p  shi’g’i’n’.
3. Ziyonet tarmag’i’nan Muhammad al-Xorazmiy hà’m V. Qobulov
haqqi’nda  referatlar  izlep,  u’yreni p  shi’g’i’n’.
O’zbekistanda
  kibernetika mektebinin’ tiykari’n sali’wshi’si’ Vosil
Qobulov (1921—2010) ataqli’ matematik, fizika-matematika ilimleri doktori’,
professor, 1966-ji’ldan O’zbekistan Ilimler Akademiyasi’
  akademigi,
O’zbekistanda xi’zmet ko’rsetken ilim ha’m texnika xi’zmetkeri.

---

11
1949-ji’li’ wol Tashkent Temir jollar injenerleri
instituti’n tamamlag’an. 1949–50-ji’llari’ Sharjaw —
Qon’i’rat temir jol quri’li’si’nda islegen. 1950–52-ji’llari’
O’zbekistan Ilimler Akademiyasi’  Quri’li’slar instituti’nda
aspirant, 1952–57-ji’llari’ O’zbekistan Ilimler Akademiyasi’
Matematika instituti’ni’n’ yesaplaw texnikasi’ laboratoriyasi’
basli’g’i’, 1963–1966-ji’llari’ O’zbekistan Ilimler
Akademiyasi’ni’n’ yesaplaw worayi’ O’zbekistan Ilimler
Akademiyasi’ni’n’ Mexanika instituti’ direktori’ lawazi’m-
lari’nda isledi.
1966–1977-ji’llari’ O’zbekistan Ilimler Akademiyasi’ Kibernetika instituti’
direktori’, 1978-ji’li’ usi’ institut O’zbekistan Ilimler Akademiyasi’ni’n’
«Kibernetika» ilimiy-islep shi’g’ari’w birlespesine aylandi’ri’lg’annan baslap
woni’n’ bas direktori’ lawazi’mlari’nda islegen.
Vosil Qabulov  birqansha xali’q arali’q sho’lkemlerdin’ ag’zasi’, Beruniy
ati’ndag’i’ Ma’mleketlik si’yli’qti’n’ laureati’. 1998-ji’li’ O’zbekistan
Respublikasi’ Prezidentinin’ Pa’rmani’na muwapi’q «Yel-jurt hu’rmeti»
ordeni menen si’yli’qlandi’.