İnformasiya-kommunikasiya texnologiyalarının mahiyyəti və fənnin predmeti

39. Mətnlər üzərində iş. Mürəkkəb sənədlər.
Şəkillərin, ClipArt obyektlərinin, fiqurların, SmartArt sxemlərin, diaqramların və ekranın ani görünüşünün şəklini mətn sənədinə əlavə etmək üçün lentin İnsert (Əlavə et) tabının İllustrations (Şəkil) lent qrupundan istifadə edilir. Bu lent qrupundakı Pikture (şəkil) düyməsinin kliklənməsi ilə kompyuter disklərindəki fayllarda saxlanılan şəkilləri mətnə yerləşdirmə əmrlərini həyata keçirmək olar. Sənədin tərtibatında istifadə olunan maraqlı vasitələrdən biri də mətndə yerləşdirilə bilən, rəngli fiqur-sxemlərə malik SmartArt dəstidir. Bu dəstə daxil olan sxemlərin sənədə əlavə edilməsi İnsert (Əlavə et) tabının İllustrations (Şəkil) lent qrupunun SmartArt düyməsinə kliklənməsi ilə açılan Choose a SmartArt Graphic (SmartArt Şəkli Çək) dialoq pəncərəsi vasitəsilə yerinə yetirilir. Links (Əlaqələr) lent qrupu. Microsoft Word 2010 mətn prosessorunda sənədin müxtəlif sahələri arasında və ya başqa sənədlərlə əalaqələrini yaratmaq üçün lentin İnsert (Əlavə et) tabının Links (Əlaqələr) lent qrupunun əmrlərindən istifadə edilir. Links (Əlaqələr) lent qrupunun əlaqələri Hyperlimk (Hiperəlaqə), Bookmark (Əlfəcin) və Crossreference (Çarpaz-istinad). Belə ki, Web-səhifə, şəkil, e-poçt ünvanı və ya proqrama yönəlmiş əlaqələr Hyperlin (Hiperəlaqə) vasitəsilə yaradılır. Hiperəlaqələr Word, Excel, Access və Power Point sənədləri arasında keçidlərdə istifadə edilə bilər. Lentin İnsert (Əlavə et) tabının Text (Mətn) lent qrupundan WordArt əmri icra olunur. Bu halda WordArt qalereyasından seçim imkanları əyani şəkildə ekrana çıxır; -Bu qrupda yazı formalarının mümkün variantları əks olunur; -Nəzərdə tutulan WordArt mətni daxil edilir; -WordArt qalereyasından təqdim olunan yazı üslublarından biri seçilir və onun üzərində mausun sol düyməsi kliklənir. Word 2010 mətn prosessorunda sənədə düsturların daxil edilməsini 2 üsulla həyata keçirmək olar: Microsoft Equations 3.0 proqram modulu vasitəsilə və Microsoft Equations modulundan istifadə etmədən.
40. Sənədin tərtibatı.
Microsoft Office Word 2010 proqramı ekranda sənədə baxmaq üçün bir neçə üsul təklif edir. Word 2010 proqramı sənədə baxmaq üçün beş rejim təklif edir. Bu rejimlərə həmçinin vəziyyət sətrində olan düymələrin köməyi ilə keçmək olar. Bu rejimlərin hər birini izah edək. Birinci rejim Qaralama adlanır. Bu rejim Word 2003 proqramında Adi rejim sayılırdı. Bu rejim sənədin məzmununda fikri cəm etməyə imkan verir. Sənəddə sadə redaktə işlərinin aparılması üçündür. Ikinci rejim Struktur adlanır. Bu rejimdə sənədin strukturu görsənir. Bu rejim ayrı-ayrı səviyyələrin başlıqlarını qeyd edərək sənədin təşkilini göstərir. Üçüncü rejim -Vebin formatlaşdırılması adlanır. Bu rejim sənədin veb səhifəsində necə görünəcəyi haqqında ətraflı təsəvvür yaradır. Dördüncü rejim Oxunuş rejimi sayılır. Bu rejim Microsoft Office Word 2007 proqramından başlayaraq istifadəçiyə təklif olunur. Bu rejim cari anda aktiv olan sənədi oxumaq üçün kitab formasında göstərir. Beşinci rejim səhifənin formatlaşdırılması rejimi adlanır. Bu rejim mürəkkəb formatlaşdırma əməliyyatlarını yerinə yetirməyə imkan verir.