İnformasiya-kommunikasiya texnologiyalarının mahiyyəti və fənnin predmeti

54.Microsoft Access proqramının təyinatı.
Microsoft Access verilənlər bazalarının yaradılması və idarə edilməsi üçün nəzərdə tutulmuş bir proqramdır. O, müxtəlif növ informasiyanı toplamağa və sistemləşdirməyə, verilmiş şərtlərə əsasən obyektlərin axtarışı və sıralanmasını təşkil etməyə, verilənlərin daxil edilməsi üçün formalar tərtib etməyə və hesabatlar hazırlamağa imkan verir. Access 2010 cədvəlinin əsas xarakteristikaları: Cədvəlin adının uzunluğu simvoldan çox ola bilməz; Cədvəldə 255-ə qədər sahə ola bilər; MEMO sahələrindən və OLE obyektlərindən başqa biryazıda 4000-ə qədər simvol ola bilər; Eyni zamanda bazada 2048-ə qədər cədvəl açmaq olar; Bazada cədvəlin ölçüsü 2 Giqabayta qədər ola bilər. Access 2010 proqramında cədvəlin yaradılmasının aşağıdakı üsuları vardır: .Verilənlərin daxil edilməsi ilə yeni cədvəlin yaradılması; Şablondan istifadə etməklə yeni cədvəlin yaradılması; SharePoint siyahısından cədvəli bazaya idxalı və ya birləşdirilməsi; Cədvəl tərtibatının köməyi ilə yeni cədvəlin yaradılması.
55.Access 2010-un obyektləri
VBİS-in işi ilə Microsoft Access-in nümunəsində tanış olaq. VBİS Accessin obyektləri bunlardır: 1. Cədvəl - VB-nin əsas və ən vacib obyektidir, belə ki, verilənlər məhz bu cədvəllərdə saxlanılırlar. 2. Sorğu – VB-nin emalı üçün nəzərdə tutulmuş xüsusi strukturlardır. Sorğuların köməyi ilə verilənlər nizamlanır, seçilir, dəyişdirilir, daha doğrusu emal olunurlar. Aşağıdakı sorğu növlərini yaratmaq mümkündür. 1.Seçim 2.Dəyişdirici 3.Parametrik 4.Kəsişən 5.SQL sorğuları. 3. Forma – bazaya yeni verilənlərin daxil edilməsinə və ya onlara baxış keçirməyə imkan verən obyektdir. 4. Hesabat – formanın «əksidir». Hesabatın köməyilə verilənlər münasib şəkildə printerə və ya ekrana çıxarılır. 5. Makroslar – makrokomandalardır. Baza ilə işləyərkən tez-tez istifadə olunan hər hansı əməliyyatlar ardıcıllığını, bir neçə komandaları bir makrosda qruplaşdırırlar və onu klavişin bir düyməsinə mənimsədirlər. 6. Modullar – bu Visual Basic dilində yaradılmış proqram proseduralarıdır.