Илова “Заковат” интеллектуал ўйини бўйича

3.3. Марафоннинг ҳар бир турида марафонда иштирок этувчи бошқа-бошқа жамоалар томонидан тайёрланган саволлар ўқилади.
3.4. Марафон турларига савол тайёрловчи жамоалар ТГ томонидан танлаб олинади ва танланган жамоалар хабардор қилинади.
3.5. Марофон турни ўтказиши белгиланган жамоага турни “Заковат интеллектуал ўйини Кодекси” қоидалари бўйича ўтказиш, бир вақтнинг ўзида бошловчилик, ҳисоб ҳамда аппеляция ҳайъати, саволларни йиғиб келиш вазифаларини бажариш масъулияти ҳам юкланади.


4-боб. Апелляция тартиби
4.1. Марафонда берилувчи саволлар бўйича юзага келадиган баҳсли вазиятларни ҳал қилиш учун таркиби ҳар бир турни ўтказиш учун масъул жамоа аъзоларидан иборат Апелляция ҳайъати (кейинги ўринларда – АҲ) ташкил этилади. АҲ “Заковат интеллектуал ўйини Кодекси” қоидалари бўйича аппеляцияларни кўриб чиқади.
4.2. Жамоа сардори ёки жамоа сардори томонидан масъул сифатида белгиланган жамоа аъзоси тур охирида эълон қилинган натижалар бўйича АҲга оғзаки тарзда мурожаат билан чиқиши мумкин.
4.3. АҲ апелляция натижалари бўйича сўнгги қарорни Марафоннинг кейинги тури бошланишидан кечикмаган ҳолда қабул қилади. Апелляциядан кейинги ўзгаришлар АҲ томонидан жамоаларга маълум қилинади.
4.4. АҲ қарори якунийдир.


5-боб. Ғолибларни аниқлаш тартиби
5.1. Жамоанинг ҳар бир саволга берилган тўғри жавоб учун бир баллдан берилади.
5.2. Ҳар бир тур якунида жамоаларга қуйидаги рейтинг баллари берилади:
1-ўрин – 10 рейтинг бали;
2-ўрин – 9 рейтинг бали;
3-ўрин – 8 рейтинг бали;
4-ўрин – 7 рейтинг бали;
5-ўрин – 6 рейтинг бали;
6-ўрин – 5 рейтинг бали;
7-ўрин – 4 рейтинг бали;
8-ўрин – 3 рейтинг бали;
9-ўрин – 2 рейтинг бали;
10-ўрин – 1 рейтинг бали;
қолган жамоалар – 0 рейтинг бали.
5.3. Бир турда жамоалар бир хил балл тўплаган ҳолатда жамоаларга эгаллаган ўринларига мос равишда берилиши керак бўлган рейтинг балларининг ўрта арифметик миқдорига тенг рейтинг балл берилади.
5.4. Тошкент шаҳрида ўтказилувчи марафонда савол тузиш учун танлаб олинмаган жамоалар Марафоннинг бир турида иштирок этмайдилар, бунда жамоа ўтказиб юборадиган турини Марафон бошланишидан олдин ТГга хабар қилади.