Ilmiy texnikani taraqqiyoti yutuqlarini ishlab chiqarishga tadbiq qilish

6.5. Smeta hujjatlarining tarkibi va mazmuni

Loyihalash ikki bosqichda olib boriladi

1 - bosqichda. Yig’ma smeta hisobi, yig’ma xarajatlar, ob’ektlar lokal smeta hisoblari, loyihalash uchun smeta va qidiruv ishlari smetasi, ob’ektlarni qurish, bo’yicha smeta qiymati ro’yxati va tabiatni muxofaza qilish bo’yicha ob’ektlar va ishlar smeta qiymati ro’yxati tuzib chiqiladi.
2 – bosqichda – ishchi hujjatlarni tartibga solish ob’ekt va lokal smetada qurilayotgan ob’ektlar smeta qiymati ro’yxat qurilish tovar mahsuloti smeta qiymati ro’yxati tuziladi.
Qurilishning umumiy smeta qiymati ob’ekt va lokal smeta asosida yig’ma smeta hisobini tuzish orqali hamda ob’ekt smetasiga kirmay qolgan xarajatlar smeta hisobini hisoblab chiqish orqali aniqlanadi. (ob’ekt smetasiga kirmay qolgan xarajatlar – bular ish joylarida bajariladigan ishlarga qo’shimcha xarajatlar ilmiy-qidiruv va boshqa ishlar uchun xarajatlardir).
Yig’ma smeta hisobida hamma xarajatlar kapital qo’yilmalar tizimi bo’yicha tashkil topadi va qurilish montaj ishlarining qiymatini uskunalar va inshoatlar va qurilish montaj xarajatlarini ko’rsatadi.
Yig’ma smeta hisobida keltirilgan xarajatlarni quyidagi bo’limlarga taqsimlanadi.

1. 
   Qurilish maydonchasini tayyorlash;
   
2. 
   Qurilishning asosiy ob’ektlari;
   
3. 
   Yordamchi va xizmat ko’rsatish yo’nalishidagi ob’ektlar;
   
4. 
   Energetika xo’jaligi ob’ektlari;
   
5. 
   Тransport xo’jaligi ob’ektlari;
   
6. 
   Suv ta’minoti, kanalizatsiya, issiqlik va gaz ta’minoti bo’yicha tashqi tarmoq va inshoatlar;
   
7. 
   Qurilish maydonchasini obodonlashtirish va ko’kalamzorlash-tirish;
   
8. 
   Vaqtinchalik bino va inshoatlar;
   
9. 
   Boshqa ishlar va xarajatlar;
   
10. 
    Qurilish direktsiyasini saqlash (texnikaviy nazorat) va mualliflik nazorati;
    
11. 
    Foydalanish bo’yicha xodimlar tayyorlash;
    
12. 
    Loyiha va qidiruv ishlari;
    

Ko’zda tutilmagan ishlar va xarajatlar uchun qurilishning umumiy qiymatidan 2-10 foizni yozib qo’yiladi.

Yig’ma xarajatlar: bu qurilayotgan ob’ektlarni qo’shimcha mablag’ bilan ta’minlash uy-joy qurishga, transportni rivojiga, yo’l qurishga va boshqa ob’ektlarni qurishga ajratilgandagina tuziladi. Yig’ma xarajatlar yig’ma smeta hisobi asosida tuziladi. Bunday ob’ektlarga melioratsiya qurilishi, yerlarni o’zlashtirish, uy-joy qurilishi, tashkiliy – texnikaviy chora tadbirlar kiradi.