Ilmiy rahbar: Shukurov Halima Annotatsiya

Yozuv qurollari va ulardan foydalanish
A.Qodiriy nomidagi JDPI
Boshlang'ich ta'lim fakulteti
,,Boshlang'ich ta'lim" yo‘nalishi
1-bosqich 104-guruh talabasi
Djalilova Munavvar
Ilmiy rahbar: Shukurov Halima
Annotatsiya: Ushbu maqolada boshlang'ich sinf o'quv qurollari va ulardan foydalanish borasida so'z yuritiladi.
Kalit so'zlar: daftarlar,ruchkalar,doska,bo'r,bosma qog'oz, rangli va oddiy qalamlar,qalamdon,o'chirg'ich,qalamtarosh.
Bilamizki, boshlang'ich ta'lim-jamiyatning kelajagi, endigina shakllanib borayotgan murg'ak qalblarning ma'naviy-axloqiy ozuqa manbayidir. U bolani muayyan kasbga va yuqori sinfga tayyorlovchi ,ya'ni, uning qiziqishi, tug'ma qobiliyati yuzaga chiqishidagi dastlabki asaosiy bo'g'indir. Hozirda yurtimizda boshlang'ich ta'lim va maktabgacha ta'limga yuksak e'tibor qaratilmoqda. Xususan, davlatimiz rahbari Shavkat Mirziyoyev 2020-yil 29-dekabrdagi murojaatnomasida biz yosh avlodlarga qarata shunday degan edilar: ,,Biz avvalo yosh avlodning, farzandlarimizning, sog'lom va barkamol voyaga yetishiga asosiy e'tiborimizni qaratib, ularga har tomonlama sharoitlar yaratishimiz kerak. Shundagina biz har tomonlama yetuk, zamonaviy, bilimli va hunarni puxta egallagan shijoatli yoshlarga suyansak bo'ladi‘‘. Bola dunyoga kelgandan boshlab, unda aynan maktabda bo‘lgan yoshda aqliy faolligi oshadi, axloqiy, estetik va jismoniy xislatlari shakllanadi. Ya'ni bola har bir asosiy, boshlang'ich bilimni maktabda oladi. Vaholanki, yurtimizda imkoniyati cheklangan, ya'ni nogironlar, ko‘zi ojiz bo‘lgan bolalar uchun ko'plab maktablar ochilib, o'quv darsliklari yaratilgan. Hozirda bizning ta'lim tizimda an'anaviy va noan'anaviy tarzda darslarni tashkil etish yo‘lga qo'yilgan. Davlatimizda boshlang'ich ta'limga, aniqrog'i 1-sinflarga e'tibor juda katta. Bunga misol: yurtimizda har yili, Prezidentimiz tashabbuslari bilan har bir 1-sinf o'quvchilari uchun ajoyib ,,Prezident sovg'asi‘‘ topshiriladi. Bu sovg'alar o'quvchilarni bilimli, tarbiyali, Vatanimizga nafi tegadigan inson bo'lib yetishishlari uchun yuksak e'tibor hamda 1-sinfga kelgan har bir bolani ilk rag'batini. Bu yil odatdagidek, 650 mingga yaqin 1-sinf o'quvchilari uchun ,,Prezident sovg'asi‘‘ topshirildi.1-sinf o'quvchilariga beriladigan ,,Prezident sovg'asi‘‘ tarkibidan 12 turdagi o'quv qurollari, jumladan portfel, rasm daftari,daftarlar, ruchka, akvarel bo'yoqlar,qalamdon, rangli qog'oz, rangli va oddiy qalamlar,plastilin, yelim, o'chirg'ich o'rin olgan. ,,Prezident sovg'asi‘‘ o'qishni an'anaviy yoki masofaviy shaklini tanlanganidan qat'i nazar, barcha o'quvchilarga beriladi. Bunda sovg'a masofaviy o'qishni tanlagan 1-sinf o'quvchilarining ota-onalariga topshiriladi. Darvoqe, o'quv qurollari haqida so'z yuritilayotgan ekan ulardan foydalanish borasida tushuntirishlar aytsam.1-sinf o'quvchilari maktabga ilk qadam qo'yar ekan, ular o'quv qurollari bilan tanishmagan bo'lishadilar. Ularga tanishtirish har bir o‘qituvchining vazifasidir.