Ilmiy-pedagogik asoslari

7.2. Kadrlar bilan ta`minlash 
Respublikaning kasb-hunarga yo’naltirish tashkilotlarining kadrlar bo’yicha 
tarkibi doktorlik va nomzodlik ilmiy darajasiga ega bo’lgan olimlar yoki ta`lim 
sohasida ma`lum amaliy ish tajribasiga ega bo’lgan, ta`lim muassasalarida – kamida 
besh yil ishlagan pedagog va injener – pedagoglardan shakllanadi.
Ularni tegishli kadrlar bilan ta`minlash psixologlar, kasbiy maslahatchilar, 

---

128 
psixofiziologlar, sotsiologlar va boshqalarni tayyorlashni ko’paytirish hisobiga 
shakllantiriladi.
7.3. Ilmiy metodik va axborot ta`minoti 
O’zbekiston Respublikasida kasbga yo’naltirish bo’yicha ilmiy, amaliy, uslubiy 
va nazariy ishlanmalarni tayyorlash, ularni sinovdan o’tkazish va kasbga yo’naltirish 
tizimiga tatbiq etish masalalari o’quvchilarni kasb – hunarga yo’naltirish va 
psixologik – pedagogik respublika Tashxis markazi tomonidan uning ilmiy Kengashi 
va nashriyot bo’limi orqali hal etiladi. Ishonchli axborot-uslubiy va dasturiy ta`minotni 
yaratish (kasbiy talim, ijtimoiy-iqtisodiy holatlar to’g`risida umumiy xarakterga ega 
bo’lgan axborot-qo’llanma materiallar banki, mehnat bozorining joriy va istiqboldagi 
ehtiyojlari shuningdek, kasbiy xarakterdagi axborot-qo’llanma materiallar banki – 
qo’llanmalar, 
kataloglar, 
kartotekalar, 
profkartalar, 
professiogrammalar, 
psixogrammalar; kasblarning rivojlantirish istiqboli to’g`risidagi ma`lumotlar; 
aholining turli qatlamlari bilan kasbga yo’naltirishni o’tkazish texnologiyasi bo’yicha 
metodik tavsiyalar, shuningdek, individual kasbiy maslahat va kasbiy tanlov; 
individual test o’tkazish, kasbiy tashxisning kompyuter variantini hisobga olgan holda 
shaxsni psixologik tashxis qilish metodikalari majmuasi). 
7.4. Moliyalashtirish va moddiy – texnik ta`minot 
Kontseptsiya davlat, mahalliy byudjet, byudjetdan tashqari, aholi bandligiga 
yordam berish Davlat jamg`armasi, nogironlarni ijtimoiy himoyalash jamg`armasi 
(cheklangan mehnat qobiliyatiga ega bo’lgan shaxslarni kasbga yo’naltirish bo’yicha 
tadbirlarni amalga oshirish uchun), boshqa davlat, yoshlar va jamoat jamg`armalari, 
korxonalar va fuqarolarning shaxsiy mablag`lari hisobidan amalga oshiriladi.
Byudjetdan tashqari mablag`lar: maslahat va uslubiy yordamlar o’tkazish 
bo’yicha shartnomaviy mablag`lar, pullik xizmat ko’rsatish va boshqa yo’nalishdagi 
faoliyatdan tushgan mablag`lar. O’rnatilgan tartibda ajratiladigan va to’lanadigan bank 
kreditlari. Tashkilotlardan, muassaslardan, xususiy shaxslardan, chet el investorlaridan, 
hokimliklarning homiylik yordamlaridan tushgan mablag`lar. 

---

129 
Mablag`lardan foydalanish O’zbekiston Respublikasi hududidagi amal 
qilayotgan qonunlar, moliya vazirligining tegishli me`yoriy hujjatlariga muvofiq 
amalga oshiriladi. 
Kasbga yo’naltirish ishlarining moddiy-texnika ta`minoti uchun birinchi 
navbatda quyidagilar zarur: 
-
kasbga yo’naltirish Markazlari va boshqaga yo’naltirish tuzilmalari uchun 
amaldagi me`yorlar asosida tegishli ish joylarini ajratish; 
- ularni elektron hisoblash, audio, video va nusxa ko’paytiruvchi texnika, jihozlar 
va asbob-uskunalar, aloqa vositalari, transport faoliyatining tegishli yo’nalishiga mos 
bo’lgan poligrafik baza bilan jihozlash.