Ilmiy-metodik jurnali scientific-methodical journal ministry of public education of the

“XALQ TA’LIMI” ilmiy-metodik jurnali. 2018. № 3.   www.xtjurnali.zn.uz
o‘yinchoqlarni yaratishda avvalo, uning milliyligiga, nafis ko‘rinishiga, liboslarning 
va unda ishlatiladigan bo‘yoqlarning sifatiga alohida e’tibor berish maqsadga muvofiq-
dir. Farzand larimiz tajovuzkor, g‘arbona o‘yinchoqlar bilan emas, aksincha, ibo-hayo, 
milliylik nafasi yuzida aks etib turgan, insoniy tuyg‘ular ifodalangan sharqona o‘yin-
choqlar bilan do‘st bo‘lishi lozim. Farzandlarimizni milliy qadriyatlarimizga hurmat ru-
hida tarbiyalash va ularning o‘zligini anglashida bunday o‘yinchoqlarning  ahamiya-
ti  katta.  Milliy    o‘yinchoqlarning  o‘sib  kelayotgan  yosh  avlodning  ham  ma’nan,  ham 
jismonan sog‘lom, dunyoqarashi keng, intellektual hamda yuksak ma’naviy fazilatlar 
egasi bo‘lib voyaga yetishida o‘rni muhimdir. 
Maktabgacha katta yoshdagi bolalarda milliy o‘yinchoq asosida aqliy tafakkurini 
shakllantirishda quyidagilar amalga oshirilsa, maqsadga muvofiq bo‘ladi:
– maktabgacha katta yoshdagi bolalarda milliy o‘yinchoq asosida aqliy tafakkurla-
rini shakllantirishning usullarini ishlab chiqish; 
– maktabgacha katta yoshdagi bolalarga milliy o‘yinchoq  haqida, ularning yarati-
lishi  to‘g‘risida bilim berish; 
– maktabgacha katta yoshdagi bolalarda milliy o‘yinchoqlarni yasash  malakalarini  
shakllantirish. 
Milliy o‘yinchoqlarning turi, mazmuni va syujeti bo‘yicha ta’sirchanlik darajasi xil-
ma-xil bo‘lib, katta maktabgacha yoshdagi bolaning aqliy tafakkurini shakllantirishga 
yordam beradi.
Eng  asosiysi,  o‘yinchoq  ishlab  chiqarish  yurtimizda  keng  yo‘lga  qo‘yilib,  mil-
liy o‘yinchoqlar ishlab chiqarish bo‘yicha zavod-fabrikalar faoliyat yuritsa, bu borada 
ko‘proq o‘z milliy-ma’naviy merosimizga, xalq og‘zaki ijodiga murojaat etilsa, ayni mud-
dao bo‘ladi.  Har yili o‘tkazilayotgan  milliy o‘yinchoqlar bo‘yicha  ko‘rik-tanlov g‘oliblari 
ishlab chiqqan loyihalar bilan  fabrikalar  o‘rtasida hamkorlik yo‘lga qo‘yilib, sifatli o‘yin-
choqlar ishlab chiqarilsa,  qizlarimiz kalta yubka kiygan “Barbi” bilan emas, uzun atlas 
ko‘ylak  kiygan  “Barchinoy”lar  bilan  do‘stlashsa,  o‘g‘il  bolalarga  mo‘ljallangan  harbiy 
sohaga oid o‘yinchoqlarda davlatimiz bayrog‘i, milliy Armiyamiz ramzlari porlab tursa, 
farzandlarimizda vatanparvarlik tuyg‘ulari yanada teranroq shakllanishi, shubhasiz.