Илмий тадқиқот асослари: 1000 саволга 1000 жавоб тошкент–2019

851 - САВОЛ: 
ЎҚИТИШНИНГ ҲАРАКАТЧАН МОДЕ-
ЛИДАГИ ҲАР БИР КЎРСАТКИЧ БЎ-
ЙИЧА ИШ ОЛИБ БОРИШ МУМКИНМИ? 
ЖАВОБ: Ўқитишнинг ҳаракатчан моделидаги ҳар бир 
кўрсаткич бўйича иш олиб бориш мумкин. Бунда тадқиқот 
объектига ижодий ёндашув талаб этилади. Тадқиқотчининг илмий 
салоҳиятига қараб, уларни турлича аниқлаш мумкин. Масалан, ҳар 
бир кўрсаткичга тест саволлари тузиш мумкин, ёзма иш олиш 
мумкин, лаборатория муҳитини ташкил этиш мумкин, тайёр 
жавобларни бериб суҳбат ўтказиш мумкин ва ҳ.к. 
КЎРСАТМА: Бу таълим технологиясида самарадорликни 
аниқлаш мезони анъанавий таълим технологияси билан ўқи-
тишнинг ҳаракатчан модели бўйича ташкиллаштирилган таълим 
технологияси солиштирилади ва натижалар уч хил кўринишда 
хулосаланади ва мос тавсиялар берилади. 
852 - САВОЛ: 
ЎҚИТИШНИНГ ҲАРАКАТЧАН МОДЕЛИ 
ҚАНДАЙ ФАНЛАР ЙЎНАЛИШЛАРИ БЎ-
ЙИЧА ЎРИНЛИ? 
ЖАВОБ: Ўқитишнинг ҳаракатчан модели асосида ташкил-
лаштирилган таълим технологиясидан ҳар қандай фан ва таълим 
йўналишида фойдаланиш мумкин. Бунга сабаб мазкур технология 
универсал характерга эга. Шу сабабли ундаги баён қилинган 
кетма-кетликдан ихтиёрий таълим йўналишида фойдаланиш 
мумкин бўлади. 
КЎРСАТМА: Ўқитишнинг ҳаракатчан моделига тегишли 
мавжуд маълумотлар ва воситалар таълим олувчига таъсир этиш 
натижасида унда муайян таълим йўналишидан маълум маънодаги 
билим, кўникма ва малака ҳосил бўлади. Улардан хулосалар 
чиқариб, таълим олувчининг мазкур соҳа бўйича мақсадга 
эришганлик даражаси аниқланади. Агарда у мақсадга эришган 
бўлса, ўша соҳа бўйича белгиланган таълим жараёни тўхтатилиб, 
кейинги мақсадга ўтилади. 

---

535 
853 - САВОЛ: 
ЎҚУВ РЕЖАСИНИНГ МОДУЛИ ДЕГАН-
ДА НИМАНИ ТУШУНАСИЗ? 
ЖАВОБ: Ўқув режасининг модули деганда, узлуксиз таълим 
мазмунининг асосий инвариант таркибий компонентларини акс 
эттирувчи ўқув режасини тақдим этиш тушунилади.
КЎРСАТМА: Ўқув режасининг модулининг тузишда қуйи-
даги таркибий қисмларни эсдан чиқармаслик керак: ўқув пред-
мети; ўқув режа; ўқув-услубий мажмуа; ўқув-услубий таъминот; 
ўқув-услубий таъминот мажмуаси; ўқув фани; ўқув фани дастури 
ва шу кабилар.