Илмий тадқиқот асослари: 1000 саволга 1000 жавоб тошкент–2019

 
295 - САВОЛ: 
ИЛМИЙ ТАДҚИҚОТ ИШИНИ БОШҚА-
РИШНИНГ ТЎҚҚИЗИНЧИ БОСҚИЧИ 
ҚАНДАЙ ВАЗИФАНИ БАЖАРАДИ? 
ЖАВОБ: Тўққизинчи босқичнинг вазифаси тадқиқот йўналиши, 
муаммонинг қўйилиши, тадқиқот манбаи, мақсади, вазифалари ва 
тадқиқотнинг методологик асослари илмий фаразини эътиборга олиб 
илмий-назарий асосларини яратишдан иборат. 
Жамиятнинг интеллектуал салоҳиятига мос бўлган келажак 
авлодни тарбиялаш ҳам бу борадаги муҳим муаммолардан бири 
бўлиб ҳисобланади. Уларнинг ечимини топиш эса “XXI аср – 
интеллектуал аср” нинг фаол иштирокчисини тарбиялаш каби 
истиқболли натижаларини қўлга киритишни тақозо этади. 
КЎРСАТМА: Таълим жараёни ниҳоятда мураккаб манба бўл-
ганлиги сабабли уни бошқариш етарли даражадаги ижодкорликни 
талаб этади. Бундай ҳолларда таълим-тарбия ҳақидаги 
маълумотлар, маълумотлар омбори, ахборотлар, ахборотлар 
банки, ахборотлаштириш технологиялари ҳақидаги билимлар 
банки ва шу кабилар педагогик тадқиқот ишларининг оптимал 
вариантларини қўлга киритишга илмий-методик асос бўлиб, улар 
қаралаётган жараённи ўрганишда ахборотли қўллаб-қувватловчи 
воситалар ҳам бўла олади. 

---

221 
296 - САВОЛ: 
ИЛМИЙ ТАДҚИҚОТ ИШИНИ БОШҚА-
РИШНИНГ ЎНИНЧИ БОСҚИЧИ ҚАН-
ДАЙ ВАЗИФАНИ БАЖАРАДИ? 
ЖАВОБ: Ўнинчи босқичнинг вазифаси илмий-назарий 
асосларнинг амалий аҳамиятини қай даражадалигини баҳолашдан 
иборатдир. Бунда илмий-назарий асосларни эътиборга олиб 
таълим технологияларини яратишда қуйидагиларга эътибор 
бериш керак: 

режалаштирилган таълим технологиясига ижтимоий-
педагогик асослар нималардан иборат эканлигини аниқлаш; 

таълим технологиясини жараён сифатида босқичма-босқич 
сифатида амалга ошириладиган иерархик кетма-кетлиги мав-
жудлиги ва уларнинг функционал тузилмаси нималардан ибо-
ратлигини белгилаш; 

бу технология бугунги кун талаби ва жаҳон таълим 
талабларига мос келишлигини ўрганиб чиқиш; 

агар қаралаётган таълим технологияси яхлит тизим сифа-
тида қаралса, унинг тузилмасини ташкилий – функционал қисм-
тизимлар (элементлар) бўйича ифодалаш мумкинлигини ўрганиш; 

таълим технологиясининг мақсадини ўрганаётган ўқув 
предметининг (муайян тарбия жараёнининг) мақсадлари билан 
мос келтириш. 
КЎРСАТМА: Мазкур босқичда ишлаб чиқилган илмий-
назарий асосни ва тадқиқот мақсадини эътиборга олиб ўқитиш 
технологиясини танлаш керак ва шу асосда уларни амалиётга 
жорий этиш технологиясини ишлаб чиқаришга киришиш керак. 
Агар режалаштирилган мақсад билан олинган натижа бир - 
бирига мос тушса, режалаштирилган педагогик тадқиқот жараёни 
охирига етган ҳисобланади.