Илмий тадқиқот асослари: 1000 саволга 1000 жавоб тошкент–2019

 
230 - САВОЛ: 
ЗАМОНАВИЙ ЎҚУВ АДАБИЁТЛАРИ БУ 
ҚАНДАЙ АДАБИЁТЛАР? 
ЖАВОБ: Замонавий ўқув адабиётлари маълумотларни жам-
лаш, тасвирлаш, янгилаш, сақлаш, билимларни интерактив усулда 
тақдим этиш ва назорат қилиш имкониятига эга бўлган манба. 
КЎРСАТМА: Замонавий таълим амалиётида ўқув адабиёт-
ларининг электрон вариантларидан фойдаланишга кенг йўл бериш 
керак. Бу орқали ўқув адабиётларидан самарали, оператив (тезкор) 
ва қулай ҳолда фойдаланиш мумкин бўлади. 
 
231 - САВОЛ: 
ИЖТИМОИЙ ПСИХОЛОГИЯ НИМА-
ЛАРНИ ЎРГАНАДИ? 
ЖАВОБ: Ижтимоий психологияни фан сифатида ўрганишга XIX 
асрнинг иккинчи ярмидан бошлаб киришилган. Асосан уни 1908 
йилдан бошлаб фан сифатида тан олинади. Ижтимоий психология 
қуйидагиларни ўрганади: 

мулоқот, муомала қонуниятларини; 

шахслараро муносабатларни ва индивидуал ҳамда жамоавий 
ўзаро таъсирларни; 

жамоаларнинг ички ва ташқи тузилишини, уларнинг турлари 
ҳамда таснифини; 

оммавий ҳолатлар ҳамда ҳаракатларни; 

ижтимоий ва миллий онг, менталитет, миллий қиёфа, характер, 
таъб, анъана, одат, маросим ва бошқаларни ўрганади. 
Бундай тадқиқотларни ўтказишда кичик гуруҳлар (жамоалар) 
асосий объект қилиб олинади, тажрибалар эса лаборатория 
шароитида ўтказилади. 

---

170 
Ижтимоий психологиянинг йўналишлари қуйидагилардан 
иборат: 

этнопсихология; 

дин психологияси; 

оила психологияси; 

бошқарув (менижмент) ва маркетинг психологияси; 

кичик ва катта гуруҳ психологияси; 

реклама психологияси; 

инсонни инсон томонидан идрок қилиш психологияси; 

амалий ижтимоий психология кабилар. 
Ижтимоий психология фанининг асосларини умумий психо-
логия, социология, антропология, криминология, фалсафа фанлари 
ташкил этади. 
КЎРСАТМА: Таълим олувчилар коммуникатив қобилиятларни 
ривожлантиришда ижтимоий психология фанининг метод ва 
усулларидан самарали фойдаланишга ҳаракат қилиш керак. Бу 
орқали бўлажак ўқитувчиларни конфилект вазиятларга тушмаслиги 
ва тушиб қолганда ҳам бундай вазиятдан муаммосиз чиқиб кета 
олишга тайёрлаш мумкин бўлади.