Илмий тадқиқот асослари: 1000 саволга 1000 жавоб тошкент–2019

928 - САВОЛ: 
ТАЖРИБА-СИНОВ ИШЛАРИ ПРЕДМЕТИ 
ҲАҚИДА ҚАНДАЙ ФИКРЛАРИНГИЗ БОР? 
ЖАВОБ: Тажриба - синов ишлари предмети қилиб қуйи-
дагилар олиниши мумкин: таълим берувчи ва таълим олув-
чиларнинг шуғулланаётган соҳаси (йўналиш ёки технология ёки 
мавзу) бўйича тарихий илмий маълумотлар мажмуи ва уларнинг 
илмий-услубий салоҳияти; соҳа мутахассис-олимларининг фал-
сафий-педагогик мероси; таълим берувчи ва таълим олувчининг 
касбий ва маънавий-ахлоқий таълим - тарбиясининг мақсад ва 
вазифалари ҳақидаги билим, кўникма ва малакалари; таълим 
берувчининг педагогик жараёнларда мураккаб ҳолатлар рўй 
берганда янги педагогик технологияларни қўллаш ёрдамида рўй 
берган муаммоларни ҳал қилиш ҳақидаги билим ва тасаввурлари; 
таълим берувчининг амалиётда янги ахборот технологияларидан 
фойдалана олиш имкониятлари ва таълим олувчиларнинг 
яратилган (технологиялаштирилган) таълим вариантларини қабул 
қила олиш билим, кўникма ва малакалари кабилар. 
КЎРСАТМА: Қилинаётган ижодий фаолиятингиз натижасини 
“фан – таълим – амалиёт” интеграциясини ҳисобга олиб амалга 
оширинг. Ана шунда энг муҳим талаблардан бири бўлмиш илмий 
тадқиқот ишининг амалий аҳамияти янада оширилади. 
929 - САВОЛ: 
ТАЖРИБА - СИНОВ ИШЛАРИНИНГ СА-
МАРАДОРЛИК ЖАРАЁНИ ДЕГАНДА 
ҚАНДАЙ ФИКРДАСИЗ? 
ЖАВОБ: Илмий тадқиқот иши бўйича тажриба-синов 
ишларини шакллантириш ва уюштириш ҳамда улар натижаларини 

---

580 
тадқиқот нуқтаи назаридан таҳлил қилиб чиқишни илмий 
тадқиқот ишининг самарадорлигини аниқлаш жараёни дейилади. 
КЎРСАТМА: Бир хилда таълим-тарбия жараёнидаги педагогик 
самарадорликни аниқлаш мезони ҳамма йўналишдаги таълим-тарбия 
жараёнидаги педагогик самарадорликни аниқлашга етарли 
бўлавермайди. Бундай пайтларда тадқиқотчидан самарадорликни 
аниқлаш мезонлари ичидан тадқиқот йўналиши ва тажриба-синов 
ишига мосини тиклаш учун юксак илмий-услубий салоҳият талаб 
этилади. Бу орқали шуғулланаётган йўналишни такомиллаштириш 
ва ривожлантириш учун услубий тавсиялар тизимининг оптимал 
вариантларини тайёрлаш мумкин бўлади.