Илмий тадқиқот асослари: 1000 саволга 1000 жавоб тошкент–2019

61 - САВОЛ: 
МАГИСТРАТУРА ТАЪЛИМ ЙЎНАЛИ-
ШИНИНГ ҚАЙСИ БОСҚИЧИГА КИРИШ 
ҲУҚУҚИНИ БЕРАДИ? 
ЖАВОБ: Магистратура – аниқ мутахссислик бўйича фун-
даментал ва амалий билим берадиган, бакалавриат негизида 
таълим муддати камида 2 йил давом этадиган олий таълимдир. 
Магистр бакалавр даражасидан фарқли равишда маълум 
ихтисослик бўйича юқори малакали мутахассис ҳисобланади. У 
таянч докторатурага кириш ҳуқуқига эга бўлади. 
Магистратурадаги таҳсил якуний классификацион давлат 
аттестацияси ва магистрлик диссертациясини ҳимоя қилиш билан 
ниҳоясига етказилади. Магистратурага давлат томонидан тасдиқ-
ланган намунадаги касб-ҳунар фаолияти билан шуғулланиш 
ҳуқуқини берадиган диплом топширилади. 
КЎРСАТМА: Бўлажак мутахассисларни тайёрлашда улуғ 
боболаримизнинг юрт тинчлиги, Ватан тараққиёти йўналишидаги 

---

56 
халқ фаровонлиги ҳақидаги, шунингдек, баркамол авлод 
тўғрисидаги таълимотлари, уларнинг юксак маънавиятли кишилар 
бўлганлигини бутун дунё эътироф этаётганлиги ҳақидаги 
маълумотлардан фойдаланиш керак. 
62 - САВОЛ: 
МАДАНИЙ МЕРОС ДЕГАНДА ҚАНДАЙ 
МЕРОС ТУШУНИЛАДИ? 
ЖАВОБ: Маданий мерос – авлодлар томонидан яратилган 
амалий тажриба, ахлоқий, илмий, тафаккурий, диний ва руҳий 
қарашлар, халқ маданияти ва ижоди каби моддий ҳамда маънавий 
бойликлар мажмуи. 
КЎРСАТМА: 1. Мавзу материалларидан магистрларнинг 
илмий дунёқарашини кенгайтиришда фойдаланилса, уларнинг 
Ватанимиздаги илмий қадриятлар тўғрисидаги фикри янада 
юксалади ва айниқса ушбу соҳадаги қомусий ва ҳадис илми 
олимларимизга ҳурмат ҳамда уларда Ватан олдидаги қарздорлик 
ҳисси янада юксалади. 
2. Иккала уйғониш даврининг (Илк уйғониш даври ва Сўнгги 
уйғониш даври) мазмун-моҳиятини магистрлар онгига сингдириш 
орқали Ватандошларимизнинг жаҳон илм-фанига ҳам салмоқли 
ҳисса қўшганлиги билан уларни хабардор қиламиз.