Илмий тадқиқот асослари: 1000 саволга 1000 жавоб тошкент–2019

684 - САВОЛ: 
ДАРС ЖАРАЁНИДА ДУНЁВИЙ БИЛИМ-
ЛАР АСОСЛАРИНИ ТАТБИҚ ҚИЛА ОЛ-
ИШ ДЕГАНДА НИМАНИ ТУШУНАСИЗ? 
ЖАВОБ: Таълим жараёнида дунёвий билим асосларини татбиқ 
эта олиш деганда ҳар қандай фанни ўқитишда ҳам дунёвий ва диний 
илм натижаларидан фойдаланиш тушунилади. Улар таълимда ижодий 
сифат ўзгаришлари қилиб, юқори самарадорликка эришишни 
кафолатлайди. Айниқса, Марказий Осиёда яшаб ижод этган қомусий 
олимларимиз бугунги кунда Ер юзидан тортиб Самогача маълум ва 
машҳурдир, яъни Ал-Фарғоний ва Мирзо Улуғбеклар номига 
Осмондаги юлдузлардан иккитаси номи қўйилган.
КЎРСАТМА: Математика фани Ал-Хоразмий ва унинг 
шогирдлари ижоди орқали юқори поғонага кўтарилди, Ибн Сино 

---

451 
туфайли тиббиёт илмига улкан пойдевор қўйилди. Абу Райҳон 
Беруний орқали қомусий илмлар юксак тараққий етди, Ал-Фарғоний 
асарлари яқингача Европада дарслик сифатида ўқитилди ва ҳ.к. 
Дунёвий илмларнинг барча соҳалари бўйича улуғ аждодларимиз бизга 
бой миллий - маънавий мерос қолдирган. Улардан самарали 
фойдаланиш дарсни юксак савияда олиб боришга муҳим асос бўлиши 
аниқ. Бу орқали таълим олувчиларда миллий ғурур юксалади, 
ўтмишимизга ҳурмат кучаяди ва айниқса, уларда ўтмиш олдида, 
Ватан олдидаги қарздорлик ҳисси таркиб топади.
685 - САВОЛ: 
ДАРС МАШҒУЛОТЛАРИДА ҚИЗИҚАРЛИ 
ВА АМАЛИЙ АҲАМИЯТЛИ МАЪЛУМОТ-
ЛАРНИ БЕРИШ ДЕГАНДА НИМАНИ ТУ-
ШУНАСИЗ? 
ЖАВОБ: Дарс машғулотларини бошлашда талабаларнинг 
фанни ўзлаштиришга иштиёқини қўзғатишда ўрганиладиган 
мавзулар бўйича қисқача қизиқарли ва амалий аҳамиятга эга бўлган 
маълумотлар берилади. Бунга асосланган ҳолда таълим мақсади ва бу 
мақсадга эришиш учун бажариладиган вазифаларни асослаш керак. 
Бу жараён қизиқарли кечишининг асоси ҳам шунда, акс ҳолда 
машғулотлар зерикарли бўлиб, мақсадга етишдаги вазифалар кетма-
кетлигига аҳамият берилмай қолади.
КЎРСАТМА: Дарс машғулотларида талабаларнинг фанни 
ўзлаштиришига иштиёқини оширишда адабиётлар орқали ҳосил 
қилинадиган қизиқарли маълумотлар ҳам алоҳида аҳамият касб этади. 
Шунинг учун ушбу йўналишга доимо эътибор бериш керак.