Илмий тадқиқот асослари: 1000 саволга 1000 жавоб тошкент–2019

812 - САВОЛ: 
МОДЕЛНИНГ АМАЛИЙ АҲАМИЯТИНИ 
ҚАЕРЛАРДА КЎРИШ МУМКИН? 
ЖАВОБ: Моделнинг амалий аҳамиятини инсониятнинг барча 
жабҳаларида кўриш мумкин. Айниқса, болаликда ўйинчоқлар – 
реал олам нусхаси – боланинг ривожланиши ҳамда тарбиясида 
муҳим аҳамият касб этади. Улар болаларни келажакдаги турли 
ҳаётий ҳолатларга руҳий нуқтаи назардан тайёрлайдиган муҳим 
восита ролини ўйнайди. 
КЎРСАТМА: Моделлар ёрдамида биз фақатгина янгиликни 
билибгина қолмасдан, балки билимларни ривожлантириш 
имконига ҳам эга бўламиз ва айниқса, билимларни ўқитиш ва 
тарқатишда ҳам улар ишончли дидактик асосдир. 
813 - САВОЛ: 
МОДЕЛНИНГ МОҲИЯТИ НИМАЛАРДАН 
ИБОРАТ БЎЛАДИ? 
ЖАВОБ: 
Ҳар қандай моделнинг 
моҳияти 
муайян 
объектларнинг қўйилган масалани ечиш учун зарур ва етарли 
бўлган хоссаларини ажратиб олиш, тасвирлашдан иборат бўлади.
КЎРСАТМА: Моҳият жиҳатдан ҳам моделларнинг таъсир 
қилиш доираси ҳам кенгайиб бормоқда. Бизни ўраб турган 
оламнинг тобора мураккаб ҳодисалари ва жараёнларини очишга 
йўналтирилган ижодий имкониятларимиз, яъни моделлаштириш 
борасидаги изланишларимиз тобора ривожланмоқда. 
814 - САВОЛ: 
МОДЕЛНИ ТАНЛАШ ҚАНДАЙ АМАЛГА 
ОШИРИЛАДИ? 
ЖАВОБ: Моделни танлаш тадқиқот объектига мос ҳолда олиб 
борилади. Бунда оғзаки, яъни сўзлар (фикрлар) орқали ифодаланган 
моделларга асосланган фанлар мавжуд бўлсада, тадқиқот объектини, 
табиий тилларнинг сўзлари орқали ифодаловчи бу модель турли 
илмий - техник тадқиқотларда фақат бошланғич босқичларда 
ёрдамчи восита сифатида фойдаланилади.

---

517 
КЎРСАТМА: Ижтимоий-гуманитар фанларда бу модель тури-
нинг аҳамияти анча юқори бўлади, чунки буларда соний маълу-
мотлардан ташқари сифатий маълумотлар ўрни кўпроқ аҳамият касб 
этади.