Илмий тадқиқот асослари: 1000 саволга 1000 жавоб тошкент–2019

765 - САВОЛ: 
ЎҚУВ 
ЖАРАЁНИНИНГ 
ДИДАКТИК 
ТАЪМИНОТИ НИМА УЧУН КЕРАК? 
ЖАВОБ: Ўқув жараёнининг дидактик таъминоти таълим-
тарбия жараёнини тўлиқ ва сифатли таъминлаш учун зарур бўлган 
ўқув дастурий ҳужжатлар ва ўқитиш воситаларини ишлаб чиқиш 
учун керак.
КЎРСАТМА:Ўқув жараёнининг дидактик таъминоти бўйича 
қуйидагиларга эътибор қаратиш керак: қоидалар, намуналар, 
алгоритмлар, моделлар (концептуал, ташкилий, тузилмавий, 
корреляцион, ва ҳ.к.), режалар, ўқув машғулотларнинг технологик 

---

492 
харитаси, ўқув предмети ва методи ҳамда режаси, ўқув - услубий 
мажмуа ва шу кабилар. 
766 - САВОЛ: 
ЎҚУВ ЖАРАЁНИНИ ОПТИМАЛЛАШТИ-
РИШ ДЕГАНДА НИМАНИ ТУШУНАСИЗ? 
ЖАВОБ: Ўқув жараёнини оптималлаштириш деганда кам куч 
сарфлаб, юқори самарадорликка эришиш тушунилади. Бунда 
асосий мақсад таълим жараёни учун энг мақбул шароит яратишдан 
иборат. Бу лойиҳаланаётган дидактик жараён босқичларига мос 
ҳолда ўқитиш методларини, шаклларини, техник воситаларини, 
шунингдек, мос ахборотли технологияларни танлаш, белгиланган 
мавзу мақсадига мувофиқ тарзда ва ўқув вақти миқдорини ҳисобга 
олиб таълим жараёнини олиб боришни талаб этади. 
КЎРСАТМА: Ўқув жараёни оптималлаштириш учун ўқув - 
услубий мажмуа ва унга мос ҳолда тайёрланган ўқув - услубий 
таъминот аниқ ва мукаммал ишлаб чиқилган бўлиши керак, чунки 
улар орқали таълим жараёнини такомиллаштиришга ҳам эришиш 
мумкин. 
767 - САВОЛ: 
ЎҚУВ ИШЛАРИ УСУЛЛАРИНИ ШАКЛ-
ЛАНТИРИШ ТЕХНОЛОГИЯСИ ДЕГАНДА 
НИМАНИ ТУШУНАСИЗ? 
ЖАВОБ: Ўқув ишлари усулларини шакллантириш тех-
нологияси – қоидалар, намуналар, алгоритмлар, моделлар (кон-
септуал, ташкилий, тузилмавий, математик, корреляцион, рег-
рессион, функционал ба ҳ.к.), режалар баёни, бирор нарсанинг 
(предметнинг, жисмнинг ва ҳ.к.) тавсифи шаклида ифодаланади. 
Булар қатор дарсликлар ва ўқув қўлланмаларнинг методик 
таъминотида ўз аксини топади ва уни ўқитувчилар ҳам 
ўзлаштириб олишлари лозим бўлади.
КЎРСАТМА: Мазкур технология ёш ўқитувчилар (стажёр 
ўқитувчилар)га фойдалидир, улар шу технологияга жуда эътибор 
бериш керак.

---

493