Илмий педагогик иш бўйича Ҳисоботи

МУҲАММАД АЛ-ХОРАЗМИЙ НОМИДАГИ ТОШКЕНТ АХБОРОТ ТЕХНОЛОГИЯЛАРИ УНИВЕРСИТЕТИ

“Ахборот хавфсизлиги” кафедраси

703-21 гуруҳ магистрантининг
Илмий педагогик иш бўйича ҲИСОБОТИ
Бажарди Қаноатов Б.О.

Тошкент - 2022

ЎЗБЕКИСТОН РЕСПУБЛИКАСИ “ТАЪЛИМ ТЎҒРИСИДАГИ ҚОНУН” ни (ЎРҚ-637-сон) бўйича қисқача баённома.
Ўзбекистон Республикаси “Таълим тўғрисидаги қонуни” тарихига назар соладиган бўлсак дастлаб 02.07.1992 йилда қабул қилинган. Кейинроқ 29.08.1997 йилда ўзгартириш ва қўшимчалар киритилиб қабул қилинган. Сўнгиси қонунчилик палатаси томонидан 2020-йил 19-майда қабул қилинган ва Сенат томонидан 2020-йил 7-августда маъқулланган.
Таълим тўғрисидаги қонун 11 боб, 75 моддадан иборат бўлиб Ўзбекистон Республикасида таълимга оид бўлган ҳар қандай саволларга жавоб олишни таъминлайди. Яъни фуқаролар ўзларини қизиқтирган барча саволларига ушбу қонун ва қонуности ҳужжатлар билан танишиб чиқиш орқали жавоб топишлари мумкин.
Ушбу қонунни қабул қилишдан асосий мақсадлардан таълим соҳасидаги муносабатларни тартибга солишдан иборатдир. Бундан ташқари таълим тўғрисида юритиладиган қонун ҳужжатлари маълум мезонларга кўра амал қилади.
Таълим тўғрисидаги қонун ҳужжатлари ушбу Қонун ва бошқа қонун ҳужжатларидан иборат бўлиб, агар Ўзбекистон Республикасининг халқаро шартномасида Ўзбекистон Республикасининг таълим тўғрисидаги қонун ҳужжатларида назарда тутилганидан бошқача қоидалар белгиланган бўлса, халқаро шартнома қоидалари қўлланилади.
Ушбу қонунда:
давлат аккредитацияси — давлат таълим муассасалари ва ташкилотлари, шунингдек нодавлат таълим ташкилотлари (бундан буён матнда таълим ташкилотлари деб юритилади) фаолиятининг давлат таълим стандартлари ва давлат таълим талабларига ҳамда ўқув дастурларига мувофиқлигининг давлат томонидан эътироф этилиши ҳамда уларнинг битирувчиларига маълумот тўғрисидаги ҳужжатларни топшириш ҳуқуқининг тақдим этилишидан иборат жараён;
давлат таълим муассасаси — давлат ҳокимияти ва бошқаруви органлари томонидан давлат мулки бўлган мол-мулк негизида ташкил этилган, давлат таълим стандартларига ва давлат таълим талабларига мувофиқ таълим берадиган муассаса;