Илмий-оммабоп биографик тўплам

.................................................................................................................................................. 
38 
эдики, шу сабаб ўз фикрини эркин баѐн этарди. Натижада у 
устозлар эътиборига сазовор бўлди ва 1984 йил олийгоҳни
тугатаѐтганимизда Маманазар Жумаевни олийгоҳда олиб 
қолишга қарор қилишди. Айнан шу вақтда унинг олимлик 
фаолиятига асос солинди.
Илмда йўл очган устоз 
 
Олим энг аввало, одам бўлмоғи лозим. Қуѐш гулу гиѐҳни 
ҳам, тикон, янтоқни ҳам бирдек ундиради. Киши борки, 
ўзидан эзгу ном қолдиришга ҳаракат қилмоғи лозим. 
Маманазар Эргашевич худди шу мақсад йўлида тинимсиз 
изланиш ва интилишдадир.
Дўстим билан бўладиган ўзаро мулоқотларда унинг 
нақадар содда ва самимий инсон эканлигидан қувонаман. 
Суҳбатлар чоғида ўзининг бугунги кундаги фаолияти ҳақида 
қисқача тўхталиб ўтади, бироқ ўз қизиқишим сабаб савол 
аралаш суҳбат жараѐнида унинг ҳали-ҳамон изланишда 
эканлигига гувоҳ бўламан. Дўстим бир қатор фикрларни 
келтириб: “шундай қилсак, қандай натижа бўларкан?” дея ўз 
мулоҳазаларини билдиради. 
Илмий жамоатчиликда ўз мустақил ўрнига, обрў-
эътиборга эга устознинг шогирдлари ҳам улкан натижаларга 
эришиб келмоқда. Бир сўз билан айтганда, дўстимиз ўз йўлига 
асос солган ва бу йўлда муносиб издошларга эга бўлган 
устоздир. Дўстнинг ютуғи эса дўстларни ҳам қувонтиради ва 
азму шижоат беради.
Олим дўстимни кириб келаѐтган қутлуғ сана билан чин 
дилдан табриклайман ва унга узоқ умр, бахт-саодат тилайман. 
 
 
 

---

 У М Р И Н И К А М Т А Р Л И К 60 
Б Е З А Г А Н И Н С О Н
.................................................................................................................................................. 
39