Илмий-оммабоп биографик тўплам

.................................................................................................................................................. 
78 
Маманазар ака Жумаев билан алоқамиз жуда яқин бўлиб 
қолди. Ҳаѐтда ҳам, илм-фан йўлида ҳам ака-ука бўлиб, 
йиғилиш ѐки халқаро конференция бўладими, мени доим 
ѐнларида олиб юрарди. Шу боис бир қанча давлатларда бирга 
бўлиб, халқаро майдонда машҳур педагог-олимлар билан 
танишишимга сабабчи бўлган. Бу ҳам шогирд учун алоҳида 
катта мактаб ҳисобланади. 
2014 йилда Россиянинг Санкт-Петербург шаҳрида бўлган 
халқаро илмий анжуманда қатнашдик. Унга боришимга ҳам 
сабабчи Маманазар ака.
Анжуманда қатнашиб, педагогика соҳасидаги билим, 
кўникма, малакаларим янада ошди. Мазкур университетда 
маъруза қилдик. Мен еттинчи секцияда рус тилида маъруза 
қилдим. Учта профессор “рус тилини қаерда ўргангансиз?” 
деб савол берди. Мен уларга оддий қишлоқда таълим 
олганлигимни айтдим. Улар ҳайрон қолишди.
Санкт-Петербургдан ажойиб таассуротлар билан қайтдик. 
Маманазар ака ҳар доим ҳазиллашиб: “Аскарбой, сизни 
таможня назорати ходимлари яхши кўради, сабаби доим чет 
давлатга сафар қилсак, фақат сизни ушлаб қолишади”, деб 
ҳазиллашарди. Ҳақиқатан ҳам, бир майор мени тўхтатиб: 
«Нимага келгансиз?” деб савол берди. Мен: “Илмий
анжуманга келдим”, – дедим. “Қани исботи?” деб сўради. 
Яхшиям папкамда тўртта китоб – конференция материаллари 
бор эди, домланинг маслаҳати билан шуларни кўрсатдим. 
Шундан сўнг мени тинч қўйишган эди...
2017 йил июнь ойида Қозоғистон Республикаси Астана 
шаҳрида катта халқаро илмий анжуман бўлди. Унда ҳам 
устоз бошчилигида иштирок этдик.
Хуллас, домлани илм кўчасида юрган ѐш олимларга 
ҳаѐтий ва илмий йўл кўрсатувчи ѐруғ юлдуз, десак 
хатолашмаймиз.
Маманазар ака олижаноб инсон, моҳир педагог. У 
кишининг юзлаб шогирдлари республикамизнинг турли 
жойларида самарали меҳнат қилмоқда. Бир сўз билан 
айтадиган бўлсам, домла Маманазар Жумаев Ўзбекистон ва 

---

 У М Р И Н И К А М Т А Р Л И К 60 
Б Е З А Г А Н И Н С О Н