Илмий-оммабоп биографик тўплам

.................................................................................................................................................. 
45 
кўтармаганига ҳайрон қоламан ва баъзида бу кишининг асаб 
тизими темирданмикан, деб ўйлаб қоламан. 
Йиллар одамларни бир-бири билан боғлар экан. Мен шу 
даргоҳда 12 йил раис лавозимида ишлаган бўлсам, 12 йил 
Маманазар Жумаев бошланғич таълимга масъул бўлдилар, 
дастлабки профессионал фаолият билан бошланган танишув 
аста-секинлик билан дўстлик ришталари билан алмашди, шу 
боис бизга ҳавас билан қараганлар борлигини ҳам инкор эта 
олмайман. Эндиликда навбатдаги ротация туфайли биз 
эксперт кенгашида ишламаѐтган бўлсак-да, орадаги самимий 
дўстлик, ҳурмат сақланиб қолди. Домла қўнғироқ қилиб 
табрикламаган бирорта байрам йўқ, шунда домла барча 
ютуқларининг эгаси янгамнинг сабр-бардоши, муҳаббати 
эканлигини ғурур билан айтиб берадилар. Дарҳақиқат, фақат 
аѐл қўлласагина эр ўзини бахтли ҳис қилади, аѐл яхши-ѐмон 
кунида шерик бўла олсагина эр ҳаѐтнинг мураккаб 
довонларидан, иқтисодий тақчилликлардан сабр-бардош 
билан ўта олади. Шу боис Маманазар аканинг барча ютуқлари 
Муҳаббат янгажонимнинг Маманазар акага чексиз муҳаббати 
ва садоқатининг маҳсули деб ўйлайман.
Маманазар ака билан бир неча марта Халқаро 
анжуманларда учрашганман. У киши математик десам, 
файласуф ҳам экан.
2018 йилда Маманазар ака билан Кирғизистонга халқаро 
конференцияга бордик ва домла фалсафий тафаккурнинг 
ривожида математиканинг ўрни ҳақида нафақат маъруза 
қилдилар, балки табиий фанлар ва фалсафа шўъбасини
бошқардилар. Домланинг бошқарув маҳорати, сўзамоллигига, 
фикрларининг изчиллигига халқаро жамоатчилик қойил 
қолганини ғурур билан эътироф этгим келади.
2017 йилда Қозоғистоннинг Остона (ҳозирги Нур-Султан) 
шаҳрида “Бир умр узлуксиз таьлим” мавзусида ўтказилган 
халқаро конференцияда профессор Н.А.Лобанов Ўзбекистонда 
Маманазар Жумаевнинг бошланғич таълим тизимида 
математикани ўқитиш методикасига инновацион ѐндашувни 
бошлаб берган олим сифатида эътироф этиши Маманазар 

---

 У М Р И Н И К А М Т А Р Л И К 60 
Б Е З А Г А Н И Н С О Н