Илмий-оммабоп биографик тўплам

КАМТАРИН ВА ФИДОЙИ ИНСОН 
 
1996
йили Термиз давлат университетини битириб, Муз- 
работ туманида янги ташкил этилган 10-лицей-интернатда 
ўқитувчи сифатида иш бошладим. Бир йил ишлаганимдан 
сўнг орзуимни амалга ошириш, илмий иш қилиш, 
аспирантурада ўқиш мақсадида ўша пайтдаги Низомий 
номидаги Тошкент давлат педагогика институтига ҳужжат 
топширмоқчи бўлдим. “Маърифат” газетасида чиққан эълон 
бўйича тегишли ҳужжатларимни тайѐрлаб, бир қариндошимиз 
билан Тошкент шаҳрига жўнадим. 
Тошкентга етиб келгач, педагогика институтини қидириб 
топдик (мен ўшангача Тошкент шаҳрига қисқа муддатга бир 
марта келиб кетгандим, шаҳарни умуман билмасдим. 
Қариндошимизга 
юклатилган 
вазифа 
ҳам 
менга 
йўлбошловчилик қилиш эди). Аспирантура бўлимининг собиқ 
Глинка кўчасида жойлашган ректорат биносида эканлигини 
сўраб-суриштириб билдик. Бинонинг 2-қаватига кўтарилиб, 
бўлим бошлиғининг қабулхонасига кирдик. Котиба аѐл 
бизнинг келганимизни маълум қилгач, киришимизга рухсат 
берилди.
Хонага кирганимизда тўрда ўтирган оқ-сариқдан келган 
кишига кўзим тушди (бу кишининг миллати рус ѐки татар 
бўлса керак, деб ўйладим). Бўлим бошлиғи салом-аликдан
сўнг ҳужжатларимни сўради. Ҳужжатларим билан танишиш 
асносида “Сурхондарѐданмисиз?” деб қизиқди. Тасдиқ 

---

 У М Р И Н И К А М Т А Р Л И К 60 
Б Е З А Г А Н И Н С О Н
.................................................................................................................................................. 
26 
жавобини олгач, “Сурхондарѐнинг қаеридан?” деган иккинчи 
савол берилди. Музработ туманидан эканлигимни айтдим. 
“Музработнинг қаеридан?” деб бўлим бошлиғи яна савол 
берди. Ичимда “Тавба, Музработни қаердан биларкан бу 
киши?” деб ўйлаб, “Янгиободдан” деб жавоб бердим. 
“Янгиободнинг қаеридан?” деган саволни эшитгач, бу одам 
мени аниқ калака қиляпти, деган хулосага келдим. 
“Марказида яшаймиз” деганимдан сўнг бўлим бошлиғи 
“Фалончини танийсизми?” деб мен билан лицейда бирга 
ишлайдиган бир ҳамкасбимизни сўради. “Албатта” дедим
ҳайратланиб. 
– Мен ҳам бир пайтлар Янгиободдаги ҳунар-техника 
билим юртида ўқигандим, у одам билан шу даврда 
танишганман. Салом айтиб қўйинг, – деди Маманазар ака 
(ўша бўлим бошлиғи).
Буни қарангки, у киши ўқиган жой – ҳунар-техника билим 
юрти ҳозир мен ишлаѐтган лицей-интернатга айлантирилган 
эди. 
Хуллас, Маманазар Жумаевнинг ҳамюрт эканлигини
билгач, анча дадилланиб, аспирантурага кириш учун қайси 
фанлардан тайѐргарлик кўришим лозимлиги, имтиҳон саволла 
ри борасида ундан зарур маслаҳатлар олдим.
Имтиҳонлар ҳам ўтди, аспирантурага ҳам кирдим. Ростини 
айтиш керак, аспирантурага киришга ҳам, аспирантлик 
давримда ҳам Маманазар ака менга (нафақат менга, бошқа 
аспирантларга ҳам) жуда катта ѐрдам берди. Бу инсонда 
заррача кибр, такаббурлик, манманлик деган хусусиятни
умуман кўрмадим. Ҳақиқий олимларда бўладиган камтарлик,
хокисорлик, хушмуомалалик, психологлар таъбири билан 
айтганда, 
унинг 
характеридаги 
асосий, 
доминант 
жиҳатлардир.
Айниқса, номзодлик диссертациям ҳимоясига чиқиш 
арафасида илмий ишнинг охирги вариантларини ўз 
компьютери ва принтеридан бир неча марталаб чиқариб 
берганларини ҳозир ҳам миннатдорлик билан эслайман 
(бугунги кунда деярли ҳар бир оилада компьютер, принтер 

---

 У М Р И Н И К А М Т А Р Л И К 60 
Б Е З А Г А Н И Н С О Н