Илмий-оммабоп биографик тўплам

.................................................................................................................................................. 
20 
хизмат қилиб юрган йигитлардан бири кириб, бир аѐл 
машинада келиб, Раисни сўраѐтганини айтибди. Раис даврага
ғолибона назар ташлаб, эшикка қараб юрибди. Орқасидан 
бир-иккита қизиқувчилар чиқиб қарасалар, машинада 
янгалари билан ўғиллари ўтирганмиш. Ана шунақа бизнинг 
Раис!
Пахтадаги воқеалар-чи! Бир йили Сирдарѐ вилоятининг 
бир туманига пахтага бордик. Факультет жамоаси бир 
қишлоқда қўним топди. Раис бувам таъминотчи (яъни завхоз) 
қилиб тайинланди ва тезда қишлоқ одамлари билан тил 
топишиб кетди. Кейин билсак, қишлоқ аҳолиси тожиклар 
экан. Раис бувамнинг тожикчани сувдек билиши ўша қийин 
кунларда жуда асқотган эди.
Пахта кампанияси охирлаб қолганда таъминот ѐмонлаш- 
ди, яъни озиқ-овқат анча тортилиб қолди. Беш юзга яқин 
талаба, ўқитувчиларни қандай боқиш керак? Ана шунда Раис 
бувамнинг маҳорати иш берди. Қишлоқ аҳли ўз шахсий 
томорқасида етиштирган сабзавот маҳсулотларини қоп-қоп 
опкеб ташлашган! Раиснинг обрўси шундай ошиб кетдики, 
маҳаллий бўлим бошлиқлари, бригадирлар келиб факультет 
раҳбарлари бир ѐқда қолиб, фақат Раисни сўрашарди. Бундан 
раҳбарларнинг айримлари хафа ҳам бўлишган. Бу раиснинг 
тадбиркорлигидан бир лавҳа. 
Пахтадаги яна бир воқеа эсимга тушиб қолди. Ўша йили 
пахтага биз билан Авзар ака деган домла ҳам борган эди. У 
киши деярли ҳар куни Тошкентга, уйига телефон қилиш учун
кечқурун маҳаллий почтага бўзчининг мокисидай қатнайди.
Бир куни асабийлашиб қайтиб келди-да: “Чўрт, бугун ҳам 
гаплашолмадим, Тошкент билан алоқа йўқ!” – деб сўкинди. 
Буни эшитган Раис бувам: “Э-э, Авзар ака, шунга ҳам хафа 
бўласизми, ҳозир мен сводка топширишга ўша ѐққа бораман, 
бир иложини қиламиз”, – деди.
У ѐғини Авзар домла гапириб бердилар: “Бордик. Раис 
ўрис аѐл телефонисткага: Тошкент билан бу ердан алоқа 
бўлмаса, Киев билан алоқа борми? Менга улаб беринг”, – 
деди. Тошкент билан йўқ алоқа Киев билан бор! Раис 

---

 У М Р И Н И К А М Т А Р Л И К 60 
Б Е З А Г А Н И Н С О Н