Илмий мақола ёзиш методикаси

Мақоланинг хулоса қисми
Янги услуб, ғоялар таклиф қилинган ёки таҳлилий шарҳ тақдим этилган ҳар қандай илмий мақола муаллиф хулосалари билан якунланиши керак: бу таърифланган ғоядан фойдаланиб, нимага эришиш мумкинлигини, кимни қизиқтиришини тушунишга имкон беради.
Хулосаларни аннотация билан тенглаштириб бўлмайди, улар турли хил вазифаларни бажаради. Хулоса натижани кўрсатса, аннотация нима бажарилганлиги ҳақида маълумот беради. Хулоса меъёридан ортиқча бўлмаслиги лозим. Хулоса тезислар қўрнишида бўлиши керак. Уларнинг ҳар бирига муаллиф "Мен шуни қайд қиламанки, ..." каби сўзларни бемолол ишлатиши имконига эга бўлиши лозим. Хулоса ҳажми саҳифанинг тахминан 1/3 қисмига тенг бўлиши тавсия этилади.
Мақолада фойдаланилган манбалар
Адабиётлар рўйхатидаги манбага ҳаволани тўғри шакллантириш муҳим аҳамият касб этади. Ҳар қандай ҳолатда ҳам муаллифларнинг фамилия, исми ва шарифлари, журналнинг номи, нашр йили, жилди (нашри), сони, бетлари кўрсатилиши керак. Қизиқувчи ўқувчи кўрсатилган адабий манбани топиш имконоиятига эга бўлиши керак. Белгиланган манзилда манбани аниқлаб бўлмайдиган ҳолатлар ҳам учраб туради. Бунга дуч келганингизда, муаллифга ва унинг ишига бўлган ишончни йўқотасиз.
Aдабий манба алифбо тартибида рақамланиши керак.