Илмий кенгаш жиззах давлат педагогика институти

Тадқиқотнинг амалий натижалари. Ўзбекистон Республикаси ва Россия Федерациясининг ўзаро ҳамкорлигини ёритишда Ўзбекистон Республикаси Миллий архиви, тегишли ташкилотлар жорий архивларидан олинган маълумотлардан кенг фойдаланилди ва улар илк бор илмий муомалага киритилди. Кўриб чиқилган ва таҳлил қилинган адабиётлар воситасида Ўзбекистон ва Россия ўртасидаги ўзаро ҳамкорлик алоқаларининг ривожланиш динамикаси, ютуқ ва муаммолари ўрганилди. Диссертацияда тўпланган маълумотлардан Ўзбекистоннинг энг янги тарихини ўрганиш ва ўқитишда фойдаланиш мумкин.
Ўзбекистон ва Россия ўртасидаги ўзаро ҳамкорлик алоқаларини мустаҳкамлашда савдо-иқтисодий, илмий- техникавий, маданий – гуманитар алоқаларнинг ўрни ва аҳамияти, дўстлик алоқаларини янада ривожлантириш учун турли форумлар ва маданий тадбирларни кўпроқ ташкил этишнинг мақсадга мувофиқ эканлиги қайд этилган.
Тадқиқот натижаларининг ишончлилиги. Ўзбекистон ва Россия Федерацияси ҳамкорлиги масалаларини очиб беришда Ўзбекистон Миллий архиви, бир қатор ташкилотларнинг жорий архивларидан олинган маълумотлардан кенг фойдаланилган ва улар илк бор илмий муомалага олиб кирилди;
Бир қатор хорижий ва маҳаллий адабиётлар таҳлили мисолида Ўзбекистон Республикаси ва Россия Федерацияси ҳамкорлик алоқалари динамикаси ўрганилиб, йиғилган маълумотлардан Ўзбекистоннинг энг янги тарихини ўрганиш ва ўқитишда фойдаланиш мумкинлиги кўрсатилган;
Ўзбекистон ва Россия халқларининг ҳамкорлигини янада кенгайтириш йўлида, ижтимоий-иқтисодий, маданий-гуманитар алоқаларнинг тутган ўрни ва аҳамияти, шунингдек маданий тадбирларни кенг кўламли ташкил этиш мақсадга мувофиқ эканлиги таъкидланган.
Тадқиқот натижаларининг илмий ва амалий аҳамияти шу билан белгиланадики, у миллий ғояни мустаҳкамлашга, жаҳондаги мамлакатлар билан интеграциялашувга йўл очган ташқи сиёсат тамойилларининг ҳаётийлигини очиб беришга, республиканинг халқаро майдондаги обрў-эътиборини мустаҳкамлашга хизмат қилади.
Тадқиқот натижаларидан Ўзбекистон Республикаси Ташқи ишлар вазирлиги, Ташқи иқтисодий алоқалар, инвестиция ва савдо вазирлиги, Маданият вазирлиги, Олий ва ўрта махсус таълим вазирлиги, “Ўзбекнефтгаз” миллий холдинг компанияси ҳамда Республикамизнинг халқаро алоқалар масалалари билан шуғулланувчи бошқа мутасадди идоралар, жамоат ташкилотларининг фаолиятида фойдаланиш мумкин.
Диссертациянинг амалий аҳамияти эса унинг материалларидан мустақил Ўзбекистоннинг энг янги тарихи бўйича умумлаштирувчи шаклдаги тадқиқотларни ёзишда, Ўзбекистон тарихи дарсларида Ватанимизнинг жаҳон ҳамжамиятига интеграциялашуви мавзусидаги маърузаларни тайёрлашда, республиканинг халқаро фаолияти тарихига бағишланган монографик ишларни яратишда, олий ва ўрта махсус ўқув юртлари тизимида семинар машғулотларини тайёрлаш ва ўтказишда, шунингдек махсус курсларни олиб боришда муҳим манба бўлиши билан белгиланади.