Илмий фаолиятга тайёргарлик асослари

ИШНИ РАСМИЙЛАШТИРИШГА АСОСИЙ 
ТАЛАБЛАР


™ Диссертацияни ёзиш ва расмийлаштиришнинг  
асосий қоидалари 
™ Боблар ва сарлавҳалар номларини  
расмийлаштириш 
™ Титул варағини расмийлаштириш 
™ Матндаги қайдлар, кўчирмалар ва  
ўзлаштирилган парчаларни расмийлаштириш  
™ Иловаларни расмийлаштириш 
™ Фойдаланилган манбаларни баён қилиш 
қоидалари

---

116
РАСМИЙЛАШТИРИШГА АСОСИЙ ТАЛАБЛАР 
9
 Сиз бу бобда магистрлик диссертациясини расмийлаштириш ва уни 
ёзиш қоидалари, фойдаланилган манбаларни баён қилиш қоидалари, 
расмларга нисбатан асосий талаблар, матндаги қайдлар ва кўчирмаларни 
расмийлаштириш қоидалари билан танишасиз.
 
ДИССЕРТАЦИЯНИ ЁЗИШ ВА РАСМИЙЛАШТИРИШНИНГ 
АСОСИЙ ҚОИДАЛАРИ 
 
Магистрлик диссертациясига қўйиладиган асосий талаблардан бири- 
бу унинг тўғри расмийлаштирилиши бўлиб, бу нафақат иш сифатини 
яхшилайди, шу билан бирга унинг муваффақиятини ҳам таъминлайди.
Магистрлик диссертацияси ўзбек, рус ва инглиз тилларида 
тайёрланиши мумкин. 
Магистрлик диссертацияси илмий иш ҳисобланади, шунинг 
учун унинг ёзилиши ва расмийлаштирилишига асосий талаблар 
номзодлик диссертациясига талабларга яқинлаштирилиши керак. 
Материалнинг аниқ ва изчил баён қилиниши диссертацияни 
ёзишнинг асосий тамойилидир.
Янги фикрни бошлайдиган иборалар хат бошидан бошлаб 
ёзилади. 
Матннинг тугалланмаган қисмларини бошқа саҳифаларга 
ўтказишга йўл қўйилмайди.
Агар матнда бошқа манбалардан олинган материаллар ишлатилса, 
унда кўчирмачиликда айбланмаслик учун улар манбаини албатта 
матнда қайд қилиш керак. 
Кўчирмалар саҳифа тагида хат боши билан ёки қизил сатр билан 
терилади. Агар бир неча манба қайд қилинса, унда улар изчил 
тартибда рақамланади. 
 
Магистрлик диссертациясининг умумий ҳажми компьютерда 1,5 
интервал билан терилган, оқ қоғозга (А4, 210-297 мм) туширилган 60 дан 
80 саҳифагача (камида 10000 сўз) бўлиши керак.