Ilm sahroda do’st, hayot yo’llarida tayanch, yolg’izlik

Grantlar. 
«Grant»  atamasi  ingilizchadan  hadya,  in’om,  xayr-sahovat,  ehson, 
dotatsiya,  subventsiya,  reparatsiya  ma’nolarini  anglatadi.  Moliya  statistikasida  grantlar-
qaytarilmaydigan, beg’araz (qoplanmaydigan), majburiy bo’lmagan (muntazam bo’lmagan, 
biryo’la  subventsiya,  hayr-ehson,  reparatsiya  turidagi)  tushumlardir.  Grantlar  davlat 
boshqaruvi  sektorining  boshqa  muassasalari,  milliy  iqtisodiyotning  boshqa  sektorlari 
(rezidentlar)  va  xorij  davlatlari,  xususiy  kishilari    va  jamoa  tashkilotlari  hamda  halqaro 
tashkilotlar  (norezidentlar)  tomonidan  berilishi  mumkin.  Bu  turdagi  tushumlar  davlat 
byudjeti  defitsitini  kamaytiradi,  ammo  defitsitni  moliyalashtirmaydi.  Shuning  uchun  XVF 
tavsiyasiga  ko’ra  grantlar  byudjetning  «daromadlar»  kategoriyasiga,  alohida  qatorda 
ko’rsatilgan  holda  qo’shiladi.  IFS  ning  ma’lumotlariga  qaraganda  jahonning  ko’pgina 
mamlakatlari  davlat  byudjetini  daromadlari  tarkibida  «olingan  grantlar»  mavjud  (Avstriya, 
Belgiya,  Braziliya,  Bolgariya,  Burundi,  Kanada,  Kipr,  Daniya,  Misr,  Efiopiya,  Finlandiya, 
Hindiston,  kichik  xajimda  esa:    Germaniya,  Lyuksemburg,  Gollandiya,  Turkiya,  Shvetsiya 
va boshqalarda). Davlat byudjetida «olingan grantlar» umuman bo’lmagan mamlakatlar ham 
mavjud.  Bular:  AQSh,  Avstraliya,  Chili,  Indoneziya,  Italiya,  J.  Koreya,  Peru,  Singapur, 
Meksika  va  boshqalar.  Olingan  grantlar:  rasmiy  (davlat  manbalaridan,  xalqaro 
tashkilotlardan),  norasmiy  (nodavlat  manbalaridan);  joriy  va  kapital  turkumiga  ham 
ajratiladi.