Ilm nuri school” Nodavlat ta’lim muassasasining Boshlang’ich sinf o’qituvchisi Soyibjonova Nilufarxonning

T/R	Bo’limlar
Vaqti
1	Tashkiliy qism	3 daqiqa
2	O`tgan mavzuni mustahkamlash	5 daqiqa
3	Yangi mavzu bayoni	15 daqiqa
4	Yangi mavzuni mustahkamlash	10 daqiqa
5	O`quvchilarni rag`batlantirish. Darsni yakunlash.	10 daqiqa
6	Uyga vazifa	2 daqiqa
Jami		45 daqiqa

I.Tashkiliy qism. 1. Salomlashish.
2. Davomatni aniqlash.
3. O’quvchilarni darsga tayyorlash.
II. O’tgan mavzuni mustahkamlash: O’quvchilarning ishlarini ko’rib chiqish ,izohlah va baholash.
III. Yangi mavzu bayoni.
Siz sportning har xil turlariga qiziqasiz. Ular orasida, shubhasiz, boks ham bor. Boks O‘zbekiston sportining ommaviy turlaridan biri. Chunki, O‘zbekistondan dunyoga mashhur bokschilar yetishib chiqqan. 1974-yildaGavana shahrida havaskor bokschilar o‘rtasida Birinchi jahon chempionati o‘tkazilganda, shohsupaning eng yuqorisiga ≪Toshkent yo‘lbarsi≫ deb nom qozongan o‘zbekistonlik Rufat Risqiyev ko‘tarilgan. Ayniqsa, mustaqillik yillarida O‘zbekistonda sportning bu turi jadal sur’atlarda rivojlandi. Endilikda
olimpiada chempionlari Muhammadqodir Abdullayev, Hasanboy Do‘stmatov, Shahobiddin Zoirov, Fazliddin G‘oyibnazarov, ikki karra jahon chempionlari Abbos Atoyev, O‘tkirbek Haydarov, jahon chempionlari Mirazizbek Mirzaxalilov (90-rasm), Bahodir Jalolov (91-rasm), Murodjon Ahmadaliyevning nomlari butun dunyoga tanilgan.

Kompozitsiya yaratishdan avval bokschilarning holatlari qanday bo‘ladi, degan savolga javob topishga harakat qiling. Ma’lumki, boksda ikki holat kuzatiladi. Birinchisi, hujum qilish holati bo‘lsa, ikkinchisi, himoyalanish holati. Shunga qarab qo‘l, oyoq va gavda harakatlari turlicha bo‘ladi. 92-rasmda tasvirlangan bokschining turli holatlarini diqqat bilan kuzating.
Shuningdek, bokschining hujum qilish jarayonida zarba berish usullari ham har xil bo‘ladi. Jumladan, o‘ngdan, chapdan, to‘g‘ridan, pastdan zarba berishga qarab yasaladigan haykalchaning holatini aniqlab oling. Bunda siz haykalchaning harakati bilan bir qatorda gavdasining tayanch nuqtasini to‘g‘ri topishingiz lozim bo‘ladi. Aks holda yasagan haykalchangiz xuddi yiqilib tushayotgandek ko‘rinishi mumkin. Shuning uchun yasaydigan
haykalchangizni ko‘rinishini hal qilib olish uchun qalamda bir necha qoralama chizib ko‘ring. O‘z ishingizni bajarishda namunada keltirilgan rasmlardan ijodiy foydalanishga harakat qiling.
Haykalchaning kompozitsiyasini hal etib olgach, mos tarzda bokschi gavdasining qismlarini ajratib olasiz. So‘ngra 93-rasmda ko‘rsatilganidek, qismlarini birlashtirib chiqasiz. Bokschi gavdasining harakatiga mos umumiy holatni hosil qilib olgach, uning detallarini ishlashga kirishasiz. Bunda haykaltaroshlik anjomlari – steklar yordamida ortiqcha joylar qirib olib tashlanadi, kamchiliklari to‘ldirib boriladi. Unda mayda detallarga alohidaahamiyat qaratmang. Masalan, bokschining ko‘zi yoki qoshi tasvirlanishi unchalik muhim emas. Muhimi, uning harakati obrazli chiqishida.