Иккинчи катта модулнинг номи – Талабалар фаолиятини фаоллаштириш ва жадаллаштириш

 
Ўйинли усуллар мақсадлари. 
Дидактик
:
дунёқарашни кенгайтириш, билиш фаолияти; 
билимларни амалиётда қўллаш; маълум кўникма ва малакаларни 
шакллантириш. 
Тарбиявий: 
мустақиллик, иродани тарбиялаш; маълум
муносабат, аҳлоқий, эстетик йўналмаларни шакллантириш; 
ҳамкорлик, жамоа билан бирлашиш, мулоқотга киришувчанликни 
тарбиялаш. 
Ривожлантирувчи:
диққат, хотира, нутқ, тафаккур, таққослаш 
кўникмалари, эмпатия, рефлексия, оптимал ечимларини излаб 
топиш кўникмаларини, ўқув фаолиятига нисбатан мотивацияни 
ривожлантириш. 
Ижтимоийлаштирувчи:
жамият нормалари, қадриятларини 
сингдириш; муҳитга мослашиш; ўз-ўзини бошқариш; мулоқотга 
ўргатиш; психотерапия.
 
Машғулот жараёнида ўйин шакли 
ўйин усуллари ва вазиятлари
орқали ташкилланади. Улар таълим олувчиларни ўқув жараёнига 
ундовчи восита вазифасини бажаради. Бунда таълимий мақсад ўйин 
масаласи сифатида қўйилади; ўқув фаолияти ўйин қоидаларига 
бўйсинади; ўқув материали ўйин воситаси сифатида қўлланилади; 
беллашув элементини олиб кирилади; дидактик масаланинг 
ечилиши ўйин натижаси билан боғланади.
 
Шакллари бўйича ўйинларни қуйидаги турларга ажратиш 
мумкин: 
байрамга асосланган ўйин; фольклорга асосланган 
ўйин; театр ўйинлари; ўйинли машқлар; ўйин-анкеталар, 
тестлар, саволликлар; интермедиялар; беллашув; сюрприз; 
карнавал; аукцион
ва бошқ.
 
Ўйин структураси
қуйидаги босқичлардан иборат. 
Мақсад қўйиш, режалаштириш, мақсадни амалга ошириш, 
натижалар таҳлили.
 
Ролли ўйин
болага у олдин ўз тажрибасида тушмаган вазиятда, 
бошқа одам ўрнида бўлиб, кўришга ҳам шароит яратади. Бунда у 
янги ижтимоий муносабатларга киришади ва уларни ҳис этиб 
кўради. Ўйинда бола эркин бўлади, шериклари билан ҳамкорликда 
ҳаракат қилади. 
Бизнес ўйин 
(ишбилармонлик ўйинлари) бу талабалар 
томонидан ишлаб чиқаришда учрайдиган турли ҳолатларда 

---

имитацияланган вазиятлар юзасидан қарорлар қабул қилинишига 
асосланган усулдир.