Ikki eshik orasi

Badiiy asar – nasriy yoki she‘riy usulda yaratilgan ijod namunasi.
Badiiyat -badiiy-estetik xususiyatga, badiiy mazmunga egalik; sanʼatga aloqadorlik, asarning estetik taʼsir kuchi.
Badiiy obraz— voqelikni faqat sanʼatga xos usulda oʻzlashtirib va oʻzgartirib xarakterlovchi estetik kategoriya. Shuningdek, badiiy asarda ijodiy qayta yaratilgan har qanday voqea ham obraz deb yuritiladi. 
Dramaturg - dramatik asarlar, pyesalar yaratuvchisi.
Muqaddima–adabiy-badiiy, ilmiy, musiqiy asarlar va boshqalarning boshlanish qismi. Xususan, adabiy-badiiy asarlardagi muqaddimalarda ayrim xillarda mualliflarning ijtimoiy va estetik qarashlari bayon qilinadi.
Muallif — muayyan badiiy, ilmiy yoki publitsistik asar, loyiha, ixtiro va boshqa ijodkori.
Matbuot - barcha bosma mahsulotlar majmui; tor maʼnoda davriy nashrlar, asosan, gazeta va jurnallarni ifodalaydi(sinonimi – pressa). Matbuot ijtimoiy ongning oʻtkir va taʼsirchan vositasi sifatida kishilik jamiyatiga doimiy va faol taʼsir koʻrsatadi, jamoatchilik fikrini shakllantiradi, omma ongiga muayyan qarashlarni singdirishda qudratli gʻoyaviy omil hisoblanadi.
Yozuvchi - yozuvchi yoki nosir adabiyotning nasr (proza) janrida asarlar yozuvchi shaxsdir. Yozuvchi romannavis, qissanavis, hikoyanavis, ertakchi, esseist bo‘lishi mumkin.
Roman - (frans. roman) — nasriy asar janri; muayyan shaxs yoki bir necha shaxsning shakllanish va kamol topish jarayoni badiiy makon va zamonda tasvirlangan asar.
Romannavis – roman janrida samarali ijod qiluvchi inson.
Dillogiya - umumiy syujet, qahramonlar bilan o'zaro bog'langan ikki nasriy yoki dramatik asarning kombinatsiyasi
Trilogiya -  umumiy mazmuni, gʻoyasi, asosiy qahramonlari, syujet chizigʻining oʻzaro aloqadorligi, bogʻliqligi bilan bir butunlikni, yaxlitlikni tashkil etuvchi uch mustaqil asar. 
Qissa - badiiy adabiyotda epik janr turlaridan biri. Gʻarbiy Yevropa va Amerika adabiyotida povest maʼnosidagi qissa tushunchasi yoʻq, nasrning romandan boshqa barcha janrlari "novella" termini orqali ifodalanadi.