Fanning vazifasi - talabalarda ijtimoiy pedagogikaning gumanitar bilimlar tarmog‘i sifatida, uning
tadqiqot ob’ekti va predmeti hamda asosiy mezonlari haqida nazariy tasavvurini shakllantirish, go‘dakning
(bolaning) ijtimoiylashuvi omillari va qonuniyatlari haqida yaxlit tasavvurni shakllantirish, ijtimoiy
pedagogik faoliyatning va uning insonparvarlik yo‘nalishining o‘ziga xos jihatlarini ochib berish –
talabalarda ijtimoiy pedagogik tadqiqot bo‘yicha bilim va ko‘nikmalarni shakllantirish, G‘arb va Sharqning
ulug‘ allomalari (Forobiy, Beruniy, Ibn Sino, Navoiy, Avloniy, Ya.Komenskiy, K.Ushinskiy va
boshqalar)ning ijtimoiy pedagogik qarashlarini o‘zlashtirish, Qur’on va Hadislardagi ijtimoiy pedagogik
faoliyatga, umuminsoniy insonparvarlikka oid fikrlarni o‘rganib, o‘z ish faoliyatida qo‘llay bilish.
Fan bo‘yicha talabalarning bilimiga, ko‘nikma va malakasiga qo‘yiladigan talablar
“Ijtimoiy pedagogika” o‘quv fanini o‘rganish jarayonida bakalavr quyidagi tushunchalarni bilishi va
ko‘nikmalarga ega bo‘lishi zarur:
- Tarbiyaning falsafiy asoslari, ijtimoiy pedagogika, ijtimoiy psixologiya, amaliy mafkura metodlari;
- Ijtimoiy pedagogikaning asosiy mezonlari, tamoyillari va metodlari;
- Ijtimoiy pedagogik terminlar (atamalar);
- Zamonaviy, ijtimoiy pedagogik fikrlar, G‘arb va Sharqning, Rossiyaning ulug‘ allomalarining
ijtimoiy-pedagogik qarashlari to‘g‘risida tasavvurga ega bo‘lishi;
- Turli toifadagi bolalar bilan ijtimoiy pedagogik faoliyat yuritishning asosiy metod va shakllarini
egallash;
- hayotdagi mavjud ijtimoiy muammolar, ularning kelajakdagi rivojlanishini bashoratli tushuntira
olish;
- Ijtimoiy pedagogik va ijtimoiy psixologik jarayonlar hamda voqelikning mikrosotsium
(mikromuhit)dagi ijtimoiy tadqiqotlarni o‘tkazish;
- Ijtimoiy pedagogik maxsus terminlar va nazariy fikrlar bilan erkin ish yurita olish;
- Mikromuhitda (oilaviy, guruhiy, yakka) tarbiyaviy ishlarni tashkil eta olishi;
- Muloqot holatlarini anglashi, vaziyatning psixologik qulayligini yarata olishi; ongli holda ularni
tanlay bilishi, malaka hosil qilishi va amalda qo‘llay olishi;
- Ijtimoiy pedagogik va ijtimoiy psixologik adabiyotlar, turli metodikalar bilan ishlashda
natijaviylik;
- Rolli, kasbiy va psixologik muloqotning salohiyatliligi hamda shaxsiy yosh xususiyatlarni hisobga
olgan holda auditoriya bilan o‘zaro munosabatni yarata olish;
- Kommunikativ ko‘nikmalar;
- Empatiya va muloqotda ochiqlik;
- O‘quv materialini dasturga muvofiq didaktik tuzilmasini bilish;
- O‘qitishning texnik vositalari va EHM bilan amaliy ishlash;
- Zarur metodik hujjatlarni tuza olish;
- har tomonlama barkamol rivojlangan, erkin ijodiy tafakkurli yoshlar bilan ko‘p qirrali ijtimoiy
pedagogik tarbiyaviy ishlarni rejalashtirish va amalga oshirish ko‘nikmalarga ega bo‘lishi lozim.
Do'stlaringiz bilan baham: |