Ijtimoiy p65

Boquvchisini yo‘qotganlik pensiyasining miqdori. Harbiy xizmatchi Vatanni himoya qilish va boshqa harbiy harakatlar chog‘ida yaralanish, kontuziya yoki jarohatlardan vafot etgan (Ichki ishlar vazirligi, Milliy xavfsizlik xizmati va boshqa harbiy organlarning xodimlari)ning pensiya olishga haqli bo‘lgan mehnatga yaroqsiz har bir oila a’zosiga marhum harbiy xiz- matchi oylik maoshining 40 foizi miqdorida pensiya tayinlanadi.
Harbiy xizmat va harbiy burchni bajarish bilan bog‘liq bo‘lmagan sabablar tufayli vafot etgan harbiy xizmatchilarning qaramog‘ida bo‘lgan mehnatga yaroqsiz oila a’zolarining har biriga marhum harbiy xizmatchi oylik maoshining 30 foizi miqdorida pensiya tayinlanadi.
Harbiy xizmatchi oila a’zolariga tayinlanadigan boquvchisini yo‘qotganlik pensiyasining eng kam miqdorlari qonun hujjatlarida belgilangan („Harbiy xizmatchilarning pensiya ta’minoti to‘g‘ri- sida“gi qonunning 40-moddasi).
Harbiy xizmatchi oila a’zolariga yagona pensiya tayinlanadi va har bir oila a’zosi talabi bilan umumiy boquvchisini yo‘qotganlik pensiyasidan tegishli hissa ajratib berilishi mumkin.
Harbiy xizmatchilarga va ularning oila a’zolariga pensiyalar tayinlash tartibi, muddatlari hamda pensiyalarning to‘lanish tar- tiblari „Harbiy xizmatchilarning pensiya ta’minoti to‘g‘risida“gi qonunda (qonunning VI (51—54-moddalari) va VII (55—63- moddalar bo‘limlarida) hamda tegishli harbiy idora (Mudofaa vazirligi, Ichki ishlar vazirligi, Milliy xavfsizlik xizmati va bosh- qalar) tomonidan qabul qilinadigan idoraviy me’yoriy hujjatlar bilan¹ tartibga solinadi.



¹ Qarang: O‘zbekiston Respublikasi Adliya vazirligi tomonidan 1999-yil 21-dekabrda ro‘yxatga olingan, O‘zbekiston Respublikasi Ichki ishlar vazirligi pensionerlariga pensiyalarni to‘lashning vaqtinchalik tartibi.
Harbiy xizmatchi yoki uning oila a’zolari harbiy xizmat pensiyasi o‘rniga o‘z xohishlari bilan umumiy (fuqarolik) pen- siyalarini olishga ham haqli bo‘ladilar.


KALIÒ SO‘ZLAR. Pensiyalarni to‘lovchi organlar. Pensiyalarni to‘lash shakllari. Pensiyalarni aloqa muassasalari orqali to‘lash. Pensiyalarni Xalq banki muassasalari orqali to‘lash. Pensiyalardan ushlab qolishning chek- langanligi. Ishlayotgan fuqarolarga pensiya to‘lash. Òo‘liq davlat ta’mi- notidagi shaxslarga pensiya to‘lash. Pensiyani vakillar orqali to‘lash. Olinmasdan qolgan pensiyalarni to‘lash.

Bilimingizni sinab ko‘ring

1. 
   Òayinlangan pensiyalarni to‘lashning umumiy qoidalari haqida so‘zlab bering.
   
2. 
   Ishlamayotgan pensionerlarga pensiya to‘lash va qanday tartibda to‘lash kim tomonidan amalga oshiriladi?
   
3. 
   Pensiyalardan ushlab qolish chegaralari qanday?
   
4. 
   Ishlayotgan pensionerlarga pensiya to‘lash qanday tartibda amalga oshiriladi?
   
5. 
   Davlat ta’minotiga olingan shaxslarga pensiya to‘lash qanday amalga oshiriladi?
   
6. 
   O‘z vaqtida olinmasdan qolgan pensiyalarni to‘lash tartibi va muddatlari qanday belgilangan?
   
7. 
   Pensiyalarni vakillar (ishonchnoma) asosida olish tartibi qan- day?
   

9. BOB. FUQAROLARNI NAFAQALAR BILAN ÒA’MINLASH