Ijtimoiy-madaniy faoliyat va musiqa ta’limi

12-Mavzu: Madaniyat va san’at menejmenti, unga mental omillar ta’siri


Reja:

1. 
   San’at va madaniyat sohalarida marketing va uning nazariy asoslari
   

2. Marketing konsepsiyalarining notijorat marketingda qo‘llanilishi
3. San'at marketingining mohiyati
4. San'at marketingida reklama siyosati


Tayanch so’z va iboralar: Madaniyat va san’at menejmenti, marketing, notijorat marketing, reklama siyosati, san’at marketingi, ishlab chiqarish marketingi, mega marketing.

Bugun marketing mamlakatimiz tashkilotlarining boshqaruv nazariyasi va amaliyotida yangi tushuncha emas, balki faoliyat zaruriyatidir. Masalani dolzarbligi marketingning nima ekanligida emas, uni qay tarzda amalga oshirish va yanada takkomillashgan darajada hayotga tadbiq etishdadir.

Zamonaviy iqtisodiy bilimlarda marketingga ko‘plab tushunchalar berilgan. Ulardan biri uch ierarxiyali ko‘rinishga ega bulib quyidagichadir:
1.Marketing biznes falsafasi va boshqaruv konsepsiyasi sifatida.
2.Marketing kuchli raqobat sharoitida tashkilot faoliyat yuritish uchun zamonaviy va samarali vositalar to‘uplami sifatida.
3.Marketing tashkilot boshqaruvining muhim qismi sifatida.
Marketing falsafa sifatida tashkilotning rivojlanishini yunaltirsada, marketing vositalari esa uni muvaffaqiyatli amalga oshirishga kumaklashadi. Yuqori samaraga esa marketing bir butun boshqaruv konsepsiya va tizimi sifatida qo‘llanilsada erishiladi. Shuning uchun marketingni boshqarish va qarorlar qabul qilish tizimidan alohida ko‘rish maqsadga muvofiq bo‘lmaydi.
Marketing konsepsiyalari asosan daromad olish maqsadida tovar va xizmatlar ishlab chiqaruvchilar faoliyat sohalariga qaratilib shakllangan. Marketing konsepsiyalari tadbirkorlik faoliyati rivojlanishining har xil bosqichlarida uning yo‘nalishini belgilaydigan qarashlar tizimidan iboratdir. Shu bilan birga marketing konsepsiyasi deganda firmaning, tashkilotning yoki kishining iste'molchilarga mo‘ljallangan, integratsiyalangan maqsadli falsafasi tushuniladi.
Marketing evolyusiyasining birinchi yirik bosqichini XX asrning boshidan 30-yillarning o‘rtasigacha deb hisoblash qabul qilingan. Bunda marketing tashkilotlar, korxonalar va shaxslar o‘rtasidagi tovar va xizmatlar harakatining nazariyasi yoki mahsulotni sotish bo‘yicha korxonaning funksiyasi deb tushunilardi. Shu vaqtda ketma-ket ikkita konsepsiya paydo bo‘ldi: ishlab chiqarishni takomillashtirish va tovarni takomillashtirish.