Ijtimoiy-gumanitar fanlar kafedrasi axborot xati

O‘ZBEKISTON RESPUBLIKASI
OLIY VA O‘RTA MAXSUS TA’LIM VAZIRLIGI
ALISHER NAVOIY NOMIDAGI
TOSHKENT DAVLAT OʻZBEK TILI VA ADABIYOTI UNIVERSITETI
IJTIMOIY-GUMANITAR FANLAR KAFEDRASI


AXBOROT XATI

Alisher Navoiy nomidagi Toshkent davlat oʻzbek tili va adabiyoti universiteti respublikamiz oliy o‘quv yurtlarida, kasbiy ta’lim hamda umumta’lim maktablarida faoliyat olib borayotgan professor-o‘qituvchilar, ijtimoiy-gumanitar fanlar yo‘nalishida ilmiy tadqiqotlar olib borayotgan doktorantlar va mustaqil tadqiqotchilarni 2022-yil 22-aprelda “Gumanitar fanlarni o‘qitishning zamonaviy ilmiy yo‘nalishlari (“Современные научные тенденции преподавания гуманитарных наук”, “Modern scientific trends in the teaching of the humanities”)” mavzusida respublika miqyosida o‘tkaziladigan an’anaviy 2-ilmiy-amaliy onlayn konferensiyasiga taklif etadi. Konferensiya O‘zbekiston Respublikasi oliy va o‘rta maxsus ta’lim vazirligining 2022-yilda respublika miqyosida o‘tkaziladigan ilmiy va ilmiy-texnik tadbirlar rejasiga muvofiq tashkil etilmoqda.

Ilmiy anjumanning maqsadi respublikamiz olimlari, magistrantlar va doktorantlar hamda talabalarining ijodiy salohiyatini yanada rivojlantirishga qaratilgan ilmiy-ijodiy hamkorlik aloqalarini kengaytirishdir.
O‘tkazish vaqti: Konferensiya 2022-yil 22-aprel kuni soat: 10:00 da (ZOOM videodasturi
vositasida) boshlanadi.

Konferensiyada quyidagi sho‘balar ishi rejalashtirilgan:

№	Sho‘baning nomi	Mas’ul kotib	Telegram raqami
1.	Oliy o‘quv yurtlarida gumanitar fanlarni o‘qitishning o‘ziga xos xususiyatlari	Jabborova Gulnoza Kadamovna	[phone] Telegram raqami
2.	O‘quvchi hamda talabalarning dunyoqarashi va ma’naviyatini shakllantirishda gumanitar fanlarning ahamiyati	Muxamedov Sherzod Husnitdinovich	[phone] Telegramm raqami
3.	Gumanitar fanlar doirasida olib borilayotgan zamonaviy ilmiy tadqiqotlar	Arapbayeva Damegul Kurbanovna	[phone] Telegramm raqami
4.	O‘zbekistonda gumanitar fanlarni o‘qitishda ilmiy maktablar va xorijiy tajriba	Haydarov Sulaymon Amirqulovich	[phone] Telegram raqami

Konferensiyaga materiallar – o‘zbek, rus va ingliz tillarida qabul qilinadi. O‘zbek tilidagi maqolalar lotin yozuvida taqdim etilishi shart.