«ijtimoiy fanlar va jismoniy madaniyat» kafedrasi

Uslubiy komissiyalar – har bir kafedra qoshida tashkil etiladi. Ularning asosiy vazifasi tayyorlov yo‘nalishlari bo‘yicha kichik mutaxassislar tayyorlashda davlat ta’lim standartlari asosida ta’lim shakllari, metodlari va vositalarini tanlashga oid uslubiy tavsiyalar ishlab chiqishdan iborat. SHuningdek, ularda o‘qituvchilarning ijodiy ishlari muhokama etilib, amaliy ko‘mak ham beriladi.

Seminarlar, seminar-treninglarning maqsadi – o‘qituvchilar, muhandis-pedagoglar tomonidan talabalar shaxsini rivojlantirishga oid pedagogik-psixologik, fiziologik, gigienik, estetik va texnik bilim, ko‘nikma va malakalarni egallashlariga amaliy yordam ko‘rsatishdan iborat. Odatda, seminar mavzulari pedagogik jamoaning talab va ehtiyojlarini hisobga olgan holda shakllantiriladi va amalga oshiriladi. Seminar-treninglarning amaliy ahamiyati shundan iboratki, u o‘qituvchilar, muhandis-pedagoglarga dolzarb muammolarni tezkor hal etishga imkon beradi.