“ijtimoiy fanlar” kafedrasi

Huquqni bekor qiluvchi muddatlarning ro`y berishi fuqarolik huquq va majburiyatlarning bekor bo`lishiga olib keladi. Masalan, umumiy mulkdagi ulushni sotishda, agar qolgan mulkdorlar imtiyozli sotib olish huquqidan voz kechsalar yoki bu huquqni xabar qilingan kundan e'tiboran ko`chmas mulkka nisbatan bir oy davomida, boshqa mol-mulkka nisbatan esa o`n kun davomida amalga oshirmasalar, ular imtiyozli sotib olish huquqini yo`qotadilar va mulkdor o`z mulkini istagan shaxsga sotish huquqiga ega bo`ladi (FKning 224-moddasi). Bunday muddatlarning o`tishi oqibatida fuqarolik huquqlari bekor bo`lishi qonunchilikda to`g`ridan-to`g`ri belgilab qo`yilishi mumkin. Huquqni bekor qiluvchi muddatlar muayyan munosabat ishtirokchilarining faqatgina shu munosabatlariga doir huquqlari yoki majburiyatlarini bekor qiladi.

Muddatlar o`zlarining aniqlanish tavsifiga ko`ra imperativ va dispozitiv, aniq, qisman aniq va noaniq, umumiy va maxsus hamda boshqa muddatlarga ajratiladi.