Iii. Darsning maqsadi: a ta’limiy

I. Fan: Matematika. Sinf: 6-“e” Sana: 14.12.2021
II. Mavzu: Proporsiyaning asosiy xossasiga doir masalalar yechish.(Abu Rayhon Beruniy masalasi.)
III. Darsning maqsadi:
a)ta’limiy: proporsiya va uning asosiy xossasini bilish, proporsiya va uning asosiy xossasidan foydalanib murakkabroq masalalarni yecha olish, uch miqdor, besh miqdor qoidasidan foydalana olish bilim, ko`nikma va malakalarini hosil qilish;
b)tarbiyaviy: Vatanga sadoqatli bo`lish, o`zaro hurmat, tengdoshlari fikrlarini tinglay olish, buyuk olimlarimiz yurtdoshlarimizdan faxrlanish, axloqiy, estetik, iqtisodiy tarbiya berish;
c)rivojlantiruvchi: muhandislik, tadbirkorlik kabi kasblarga qiziqtirish, buyuk olim bo`lishdek buyuklikka intiltirish, ilmiy va mustaqil fikrlash qobiliyatlarini rivojlantirish.
IV. Darsning turi: Yangi tushuncha va bilimlarni shakllantiruvchi.
V. Darsning uslubi: zamonaviy va interfaol: “Jadvalni tekshiring”, “Domino”, “O`zingni angla”, “Kim chaqqon”, “Kichik test”.
VI. Dars uchun zarur jihozlar: 6- sinf matematika darsligi(101-102-betlar), 6- sinflar uchun matematikadan masalalar to`plami(64-bet), proporsiyaning asosiy xossasi tasvirlangan ko`rgazma vatman qog`ozi, shartlar yozilgan tarqatmalar, savollar yozilgan didaktik materiallar, kompyuter, mavzu uchun tayyorlangan slayd, doska, bo`r, rag`bat kartochkalari, “Eng bilimdon o`quvchi” nominatsiyasi uchun “Matematika malikasi” yoki “Matematika qiroli” yozuvli toj. “O`tkir zehnlilar”, “Topqirlar”, “Bilimdonlar” yozuvli uch xil rangli kartochkalar.
VII. Darsning bosqichlari va vaqt taqsimoti:

T/r	Dars bosqichlari	Vaqt
I	Tashkiliy qism: salomlashish, davomatni aniqlash, yangi mavzu va uning rejasini e’lon qilish, uyga vazifani baholash(“Jadvalni tekshiring” usulida).	4 daqiqa
II	O`tilgan mavzuni takrorlash: “Domino” usulida savol-javob.	6 daqiqa
III	Yangi mavzuga zamin tayyorlash: “O`zingni angla” usulida guruhlarga bo`linish. (To`g`ri yechilgan tenglama soniga qarab guruhlarga bo`linadilar)	5 daqiqa
IV	Yangi mavzuning bayoni: Abu Rayhon Beruniy masalasi, I. Nyuton masalasi.	12 daqiqa
V	Yangi mavzuni mustahkamlash: “Kim chaqqon” (Guruhlar musobaqasi), “Kichik test”.	14 daqiqa
VI	Darsni yakunlash va o`quvchilarni baholash	2 daqiqa
VII	Uyga vazifa berish	2 daqiqa