Iibob. O`zbekistonda turizmni rivojlanish holati

Boy madaniy merosga ega ekanligimiz bu mintaqaning qadimiy rivojlanish markazlaridan hisoblanadi. Buyuk ipak yo’lida joylashgan Samarqand, Buxoro, Xiva kabi shaharlarning qadimiy yodgorliklarga boyligi buning tasdig’idir.

Qulay geografik o’rinda joylashganligi, ya’ni respublikamizning Markaziy osiyoning markazidagi transport tugunida joylashganligi, bevosita turizmni rivojlanishiga ijobiy ta’sir ko’rsatadi.

O’ziga xos tabiiy-iqlimiy resurslarga ega ekanligi mamlakatimizda bepoyon cho’llar, dashtlar, vodiylar hamda tog’liklarning mavjudligidir. Bu hududlar takrorlanmas bio xilma xillikga ega bo’lib, yil davomida turizm faoliyati bilan shug’ullanishga imkon beradi. Ayniqsa sog’lomlashtirish, sport turizmi yo’nalishlari uchun resurslar yetarli. Alohida muhofaza qilinadigan tabiiy hududlarda esa ekozturizmni rivojlantirish imkoniyatlari mavjud.

Mamlakatimiz rekreatsiya-gidromineral resurslarga boy. Bu, o’z navbatida, aholini davolashga, sog’lomlashtieishga imkon beradi. Jumladan, Janubiy olamushuk shaharchasi va Polvontoshda (Andijon viloyati) , Buxorodagi “Sitorai Moxi Xosa”, Jizzax viloyatidagi Gagarin va G’alla orol shaharlarida, Muborak shaharchasida (Qashqadaryo viloyati), Kattaqo’rg’on shahri Nagorniy temir yo’l stansiyasida (Samarqand viloyati) sanatoriya –kurort, profilaktika muassalarida bu resurs turidan keng foydalanilmoqda. Mamlakatimiz bir qancha suv manbalariga ega. Bu o’z navbatida sog’lomlashtirish turizmini rivojlantirish uchun katta imkon beradi.

Mamlakatimiz diniy tarixiy yodgorliklarning . ayniqsa , islom dini rivojlanishiga hissa qo’shgan ulamolar vatani hisoblanadi. Imom Al-Buxoriy, Al-Motrudiy(Samarqand), Al-Termiziy(Surxandaryo), Bahoviddin Naqshband kabi ulug’ zotlarning qadam jolari mavjudligi diniy turizmni rivojlanishi uchun asos hisoblanadi.

Noyob xalq urf-odatlari, marosimlari. Boy o’tmishga ega xalqimizning takrolanmas urf-odat, an’analari mavjud. Xalq ijodiyoti namunalari, hunarmandchilik mahsulotlari hech kimni befarq qoldirmaydi. Undan tashqari, folklorshunoslikning rivojlanganligi sayyohlarni ham o’ziga jalb qiladi. Bu esa ekologik turizmni rivojlantirish imkoniyatlaridir.

Turizmning ushbu shakllari bilan birgalikda, uning yangi yo’nalishlarini ham rivojlantirish mumkin.