Ii. Tiykarǵi bólim

2.3. Májburiy hám iqtiyariy sertifikatlastırıw.
Xalıq aralıq shártnama yamasa pitimde sertifikatlastırıw tuwrısındaǵı nızam hújjetlerinde názerde tutılǵanınan ózgeshe qaǵıydalar belgilengen bolsa, ol halda xalıq aralıq shártnama yamasa pitimniń qaǵıydaları qollanıladı. Ózbekstan standartlastırıw, metrologiya hám sertifikatlastırıw agentligi ("O'zstandart" agentligi dep júritiledi) Ózbekstan Respublikasınıń milliy sertifikatlastırıw organı bolıp tabıladı. " O'zstandart" agentligi sertifikatlastırıwǵa tiyisli tómendegilerdi ámelge asıradı: " O'zstandart" agentliginiń sertifikatlastırıw salasındaǵı iskerligin finanslıq támiyinlew deregi - mámleket byudjeti aqshası, sonıń menen birge "O'zstandart" agentligi kórsetip atırǵan xızmet ushın alınatuǵın haqqıdan ibarat. Sertifikatlastırıw organınıń tiykarǵı baǵdarı xalıqtı sapalı ónimler menen támiyinlew maqsetinde, Respublikadaǵı strategiyalıq ortalıq áhmiyetke iye bolǵan kárxanalarda islep shiǵarılatuǵın hám valyuta shártnamaları boyınsha Respublikaǵa alıp kelinetuǵın ónimlerdi sertifikatlastiriwdan ibarat. Sertifikatlastırıw organı boyınsha qánigelerdiń tiykarǵı maqseti sertifikatlastırıwǵa usınıs etilgen buyırtpa -arzalardı Ózbekstan Respublikası “Milliy sertifikatlastırıw sistemasın” daǵi ámelde bolǵan normativ hújjet talapları tiykarında kórip shıǵıp sapalı orınlawǵa qaratılǵan. Sertifikatlastırıw jumısların Ózbekstan Respublikası “Milliy sertifikatlastırıw sistemasın” daǵi normativ hújjetler talapları tiykarında sapalı orınlaw ushın mekeme tárepinen Óz Dst ISO 9001 talapları tiykarında sapa menejmenti sisteması hújjetleri islep shıǵılıp, engizilgen. Sertifikatlastırıw organı óz iskerligi baǵdarında tiykarlanıp tómendegiler názerde tutılǵan:

• 
  Joqarı maman qánigeler menen támiyinleniwi;
  
• 
  Sertifikatlastırıw jumısların óz múddetlerinde, joqarı sapalı tárzde maqul túsetuǵın bahalarda ámelge asırıw;
  
• 
  Sertifikatlastırıw organı informaciyalardı sır saqlaw hám sertifikatlastırıw nátiyjelerin shınlıǵın támiyinlewde buyırtpashılarǵa kepillik beriw;
  
• 
  Buyırtpashılar hám basqa mápdar tárepler talapların tolıq qandırıw maqsetinde sapa menejmenti sistemasın turaqlı rawajlantirib barıw.
  

Májbúriy hám iqtiyariy sertifikatlastırıw Ónimniń belgilengen talaplarǵa muwapıqlıǵı tastıyıqlanǵanı táǵdirde sertifikatlastırıw organı muwapıqlıq sertifikatı beredi, tayarlawshı áne sol sertifikat tiykarında muwapıqlıq belgisin isletiw huqıqına iye boladı. Sertifikatlastırıw sistemasında paydalanilatuǵın muwapıqlıq sertifikatlarınıń, akkreditatsiya qılınǵanlıq tuwrısındaǵı gúwalıqlardıń úlgileri, milliy muwapıqlıq belgisiniń formaları hám kólemleri "O'zstandart" agentligi tárepinen tastıyıqlanadi. Muwapıqlıq sertifikatları, muwapıqlıq belgileri, sertifikatlastırıw shólkemleri hám sınaq laboratoriyalarınıń (oraylarınıń) akkreditatsiya qılınǵanlıq tuwrısındaǵı gúwalıqları "O'zstandart" agentligi tárepinen belgilengen tártipte Mámleket reestridan ótkeriliwi shárt. Mámleket reestrida dizimnen ótkerilmegen muwapıqlıq sertifikatları, muwapıqlıq belgileri, sertifikatlastırıw shólkemleri hám sınaq laboratoriyalarınıń (oraylarınıń) akkreditatsiya qılınǵanlıq tuwrısındaǵı gúwalıqları haqıyqıy emes.
Muwapıqlıq sertifikatınan, muwapıqlıq belgisinen paydalanıw huqıqın hám de sertifikatlastırıw shólkemleri hám sınaq laboratoriyalarınıń (oraylarınıń) akkreditatsiya qılınǵanlıq tuwrısındaǵı gúwalıqların arzashı basqa yuridikalıq yamasa fizikalıq shaxsqa beriwi qadaǵan etiledi. Bir túrdegi ónimlerdi sertifikatlastırıwǵa akkreditatsiya etilgen organlar hám sınaq laboratoriyaları (orayları) nızam hújjetlerinde belgilengen tártipte berilgen akkreditatsiya tuwrısındaǵı gúwalıq tiykarında sertifikatlastırıw iskerligin hám de sertifikatlastırıw maqsetinde sınaqlar ótkeriw iskerligin ámelge asıradılar. Ónimler sertifikatlastirilip atirǵanda arzashıǵa sertifikattı yamasa muwapıqlıq belgisin qollaw huqıqı muwapıqlıq sertifikatın bergen akkreditatsiya etilgen tiyisli sertifikatlastırıw organı menen dúzilgen pitim tiykarında beriledi. "O'zstandart" agentligi tayarlawshılardı (atqarıwshılardı), satıwshılardı, qarıydarlardı hám basqa mápdar shaxslardı sertifikatlastiriwdiń ámeldegi sistemaları, olardıń shólkemleri, sınaq laboratoriyaları (orayları), ekspertler tuwrısında, sonıń menen birge muwapıqlıq sertifikatları, muwapıqlıq belgileri hám olardı qollaw qaǵıydaları tuwrısında xabardar etip baradı.
Qálegen sertifikatlastiriwdi "O'zstandart" agentligi belgilep qoyǵan tártipte akkreditatsiya etilgen yuridikalıq hám fizikalıq shaxslar ámelge asırıwǵa haqılı bolıp tabıladı. Sertifikatlastırıw qaǵıydaları hám rejimin belgileytuǵın qálegen sertifikatlastırıw sistemaların akkreditatsiya etilgen organlar "O'zstandart" agentligi menen kelisken túrde belgileydiler.