Ii. Tiykarǵi bólim

2.2. Sertifikatlaw shártleri.
Sertifikatlastırıw procesi dawamında tómendegi shártlerge ámel etiliwi kerek:
1. Sertifikatlastırıw jumısları nızam hújjetleri tiykarında ámelge asıriladı: "Ónimler hám xızmetlerdi sertifikatlastırıw tuwrısında" ǵi Ózbekstan Respublikası Nızamı hám " Qarıydarlardıń huqıqların qorǵaw tuwrısında" ǵi Ózbekstan Respublikası nızamı hám basqa normativlik-huqıqıy hújjetler, sonıń menen birge, 2002 jıl 5 aprelde qabıl etilgen Ózbekstan Respublikasınıń nızamına ózgeris hám qosımshalar menen. № 364-II - Oliy Majlıs betleri.
Qarıydar - jeke tutınıw ushın yamasa payda menen baylanıslı bolmaǵan basqa maqsetlerde ónim yamasa jumıs, xızmetti satıp alıp atırǵan, buyırtpa bergen yamasa buyırtpa qılıw niyetinde bolǵan puqara (fizikalıq shaxs); óndiriwshi -qarıydarǵa satıw ushın ónim islep shıǵaratuǵın kárxana, shólkem yamasa jeke tártiptegi isbilermen;
Satıwshı – aldi-satti shártnaması boyınsha qarıydarǵa tovar satatuǵin kárxana, shólkem yamasa jeke tártiptegi isbilermen.
2. Kárxanalar, shólkemler, mákemeler sertifikatlaw jumıslarında qatnasadılar; shólkemlerdiń múlkshilik forması zárúrli emes.
3. Sertifikatlastırıw boyınsha usınıslar hám qaǵıydalardı xalıq aralıq qaǵıydalar, normalar hám usınıslar menen uyqaslastırıw. Uyqaslastırıw muwapıqlıq belgileri hám sertifikatlarınıń Ózbekstannan sırtda tán alınıwın hám basqa mámleketlerdiń milliy regionlıq hám xalıq aralıq sertifikatlaw sistemaları menen óz-ara munasábetti támiyinleydi.
4. Maǵlıwmatlardıń ashıqlıǵı: sertifikatlaw processinde procedurada qatnasatuǵın barlıq táreplerdi óndiriwshi, qarıydar, kárxana, jámiyetlik shólkemleri hám sertifikatlastiriwdan mápdar bolǵan basqa yuridikalıq hám fizikalıq shaxslar xabardar etiliwin támiyinlew kerek.
5. Informaciyanıń jasırınlıǵı: sertifikatlaw waqtında kommerciya siri bolǵan maǵlıwmatlardıń jasırınlıǵın támiyinlew kerek.
Sertifikatlawǵa buyırtpa beriw basqıshı talapnama beretuǵın tárepinen qızıǵıwshılıq ob'ektiniń muwapıqlıǵın bahalawǵa ılayıq bolǵan sertifikatlastırıw organın tańlawdan ibarat. Bul sertifikatlastırıw organınıń akkreditatsiya tarawı menen belgilenedi. Eger bir neshe sertifikatlastırıw keńseleri bul proceduranı ótkere alsalar, talapnama beretuǵın olardan hár qandayına shaqırıq etiwi múmkin. Talapnama sertifikatlastırıw sistemasında belgilengen formada jiberiledi. Sertifikatlastırıw organı onı kórip shıǵadı hám qarar tuwrısında arzasına xabar beredi.
Muwapıqlıqtı bahalaw basqıshı sertifikatlastırıw ob'ektine baylanıslı ayrıqshalıqlarǵa iye. Ónimler ushın ol ónim úlgilerin tańlaw hám identifikaciyalaw hám olardı sınap kóriwden ibarat. Úlgiler qarıydarǵa jetkizip beriletuǵın ónimler menen birdey bolıwı kerek. Úlgiler ónimdegi ámeldegi ND tárepinen tosınarlı saylanadı. Saylanǵan úlgiler tiykarǵı ónimnen ajıratılǵan, saralanǵan,sortlanǵan yamasa úlgi alınatuǵın orında mórlengen.