Ii bob. Olingan natijalar tahlili

Ishning muxomakamasi va nashr etilganlik darajasi: Ishning muxokamasi va nashr etilganlik darajasi: Magistrlik disertatsiya ishi mavzusi boʻyicha 1 ta maqola va 1ta tezis chop etilgan.
Disertatsiyaning strukturasi.
Disertatsiya 3 ta bob , xulosa va foydalanilgan adabiyotlar ro`yxatidan tashkil topgan. Jami hajmi 77 sahifada yozilgan. Kirish qismida oliy ta`limning rivojlanish strategiyasi, mazkur tadqiqot mavzuning dolzarbligi, ilmiy yangiligi, ilmiy ahamiyati kabi masalalar muhokama etilgan. 2-bobda olingan natijalar tahlil etilib disertatsiyaning mazmun mohiyati va bajarilgan ishlar yoritilgan. 3-bobni an’anaviy tarzda tajribaviy qism tashkil etadi. Adabiyotlar roʻyxati 20 ta oʻzbek va xorijiy manbalardan iborat.

1–BOB. ADABIYOTLAR TAHLILI.
1.1. Alkaloidlar haqida umumiy tushunchalar.
Alkaloidlar odatda juda murakkab tarkibga egava ko‘pincha kuchli o‘ziga xos fiziologik ta'sirga ega bo‘lgan asos tabiatiga ega azotli organik birikmalar sinfidir. Alkaloid nomi ikki so‘zdan kelib chiqadi: arabcha "alcali" - ishqor va yunoncha "eidos" - singari. O‘simliklarda alkaloidlarning kichik miqdorda bo‘lib, mingdan bir foizlardan bir necha foizgacha o‘zgarib turadi. Juda kamdan-kam hollarda ba'zi o‘simliklar tarkibida alkaloidlarning miqdori taxminan o‘n foiz va ba'zan undan ko‘p bo‘ladi. Masalan,Cinchona officinalis L.daraxti po‘stlog‘ida alkaloidlarning miqdori 15-20% ga yetadi. Dorivor xomashyoda alkaloidlarning umumiy miqdori ko‘pincha 0.1—2% oralig‘ida o‘zgarib turadi. Ba'zi o‘simliklarda alkaloidlar uning barcha qismlarida (Atropa belladonna L.) juda ko‘p miqdorda mavjud, ammo ko‘pchilik o‘simliklarda ular faqat o‘simlikning bitta organ yoki bir qismida saqlanadi. Ba'zi o‘simliklarda alkaloidlar eng katta miqdori barglarida (Camellia sinensis L.Kuntze;  Hyoscýamus níger); meva yoki urug‘lar (Datura metel L.; Strychnos nux-vomica L. ); yer ostki organlar (Rauwolfia serpentina Benth.,Cólchicum speciósum) yoki po‘stlog‘ida (Cinchona officinalis L.) uchraydi. Ko‘pgina o‘simliklar bir nechta alkaloidlarni o‘z ichiga oladi. Bir qator o‘simliklarda 20-35 alkaloidlar, ba'zilarida esa 50 dan ortiq alkaloidlar mavjud. Ko‘pincha, bir o‘simlikda miqdori bir yoki 2-3 alkaloid ko‘proq miqdorda, boshqalarining miqdori esa ancha past bo‘ladi. Bir o‘simlikning alkaloidlari, odatda, juda yaqin tuzilishga ega va ular turdosh alkaloidlar guruhini tashkil qiladi.