Ii asosiy qism Chilonzor tuman hokimiyati haqida

Tuman(shahar) hokimi

• 
  Tuman(shahar)ning tegishli vakillik va ijroiya hokimiyatini boshqaradi. Vakolati doirasida viloyat hokimi va xalq deputatlari shahar Kengashi oldida hisobdordir;
  
• 
  O'zbekiston Respublikasining Qonunlari, O'zbekiston Respublikasi Oliy Majlisining me'yoriy hujjatlari, O'zbekiston Respublikasi Prezidenti, Vazirlar Mahkamasining qaror va farmoyishlari hamda xalq deputatlari shahar Kengashi qarorlarining ijrosini tashkil etadi;
  
• 
  Jamoat tartibiga rioya etilishi va jinoyatchilikka qarshi kurash, fuqarolarning xavfsizligini ta'minlash, ularning huquqlarini himoya qilish va salomatligini muhofaza etish bilan bog'liq barcha chora-tadbirlarni ko'radi. Tabiiy ofatlar, epidemiyalar va boshqa favqulodda holatlarda tegishli ishlarni tashkil etadi; 
  tuman(shahar)ni iqtisodiy va ijtimoiy rivojlantirishning asosiy yo'nalishlarini, shahar byudjetining asosiy ko'rsatkichlarini va ularning ijrosiga doir hisobotlarni xalq deputatlari shahar Kengashining tasdig'iga taqdim etadi;
  
• 
  O'z o'rinbosarlari va ijroiya hokimiyati tizimi bo'linmalarining rahbarlarini tegishli tartibda lavozimga tayinlash hamda lavozimdan ozod etish to'g'risidagi qarorlarini xalq deputatlari shahar Kengashi tasdig'iga taqdim etadi;
  
• 
  Hokimlik bo'linmalari rahbarlarini va mas'ul xodimlarini lavozimga tayinlaydi va lavozimdan ozod qiladi; 
  rahbarlari tegishli xalq deputatlari Kengashlari tomonidan lavozimga tayinlanadigan va lavozimdan ozod etiladigan ijroiya hokimiyati tizimi bo'linmalarining ishini nazorat qiladi;
  
• 
  Xalq deputatlari shahar Kengashi va shahar hokimi tomonidan qabul qilingan qaror va farmoyishlarni bajarmagan hollarda mansabdor shaxslarni intizomiy javobgarlikka tortish to'g'risida qonunda belgilangan tartibda taqdimnoma kiritadi;
  
• 
  Davlat mukofotlari bilan taqdirlashga doir iltimosnomalarni ko'rib chiqadi va takliflar kiritadi;
  
• 
  Respublika va xorijda shaharning rasmiy vakili sifatida ish yuritadi;
  
• 
  Aholini qabul qilishni tashkil etadi, fuqarolarning shikoyatlari, arizalari va takliflarini ko'rib chiqadi;
  
• 
  Rejalashtirish, byudjet, moliya, hisob-kitob, shahar mulkini boshqarish, mulkchilikning turli shakliga mansub korxonalar, muassasalar va tashkilotlar bilan hamjihatlik qilish, er va boshqa tabiiy resurslardan foydalanish, tabiatni muhofaza qilish, qurilish, transport, yo'l xo'jaligi va aloqa, aholiga kommunal, savdo va ijtimoiy-madaniy xizmat ko'rsatish, aholini ijtimoiy muhofaza qilish, qonuniylik, huquq-tartibot va xavfsizlikni ta'minlash, fuqarolarning huquq va erkinliklarini muhofaza qilish sohasida qonun hujjatlarida o'z vakolatiga berilgan boshqa masalalarni ham hal etadi; 
  
• 
  O'ziga berilgan vakolatlar va amaldagi qonunlar doirasida shahardagi barcha korxonalar, muassasalar, tashkilotlar, birlashmalar, shuningdek, mansabdor shaxslar va fuqarolar tomonidan bajarilishi majburiy bo'lgan qarorlar va farmoyishlar qabul qiladi;
  
• 
  Zaruratga qarab, ammo bir yilda kamida ikki marta xalq deputatlari shahar Kengashining sessiyasini chaqiradi, sessiyalarga raislik qiladi, kun tartibiga kiritiladigan masalalar yuzasidan takliflar beradi. Kengash qarorlariga imzo qo'yadi va tasdiqlaydi;
  
• 
  Ish faoliyati yuzasidan bir yilda bir marta xalq deputatlari shahar Kengashiga hisobot beradi;
  
• 
  O'ziga berilgan vakolat va amaldagi Qonunlar doirasida boshqa masalalarni hal etadi;
  
• 
  Shahar hokimligi tizimidagi tashkiliy-nazorat, huquqni muhofaza qilish organlari faoliyati, harbiy safarbarlik va favqulodda vaziyatlar masalalari bo'yicha, safarbarlik tayyorgarligi, kanselyariya bo'limi hamda shahar hokimligi xuquq-maslahatchisi faoliyatiga bevosita rahbarlik qiladi.