Ii. Amaliy mashgulotlar materiallari 1-amaliy mashg’ulot Yigirishda mahsulot namligini nazorat qilish Ishning maqsadi

Halqali yigirish va pishitish mashinalaridan olingan ip massasini aniqlash. Yakka va pishitilgan iplarni ip qabul qilish joyida har bir mashinadan ishlab chiqarilgan iplar alohida qabul qilinadi. Ip qabul qiluvchida naycha va yog‘och shpulalarning o‘rtacha massasini jadvali bo‘lishi kerak. Har bir mashinadan olingan ip massasini umumiy og‘irligidan naychalar og‘irligi olib tashlanadi. Har oyda texnik nazorat bo‘limi boshlig‘i bilan birgalikda 100 tagacha naychani o‘lchab o‘rtacha og‘irligi hisoblanadi va dalolatnoma tuzulib, imzo chekiladi.

Naychaga ipni to‘g‘ri o‘ralayotganini maxsus shablon yordamida usta yordamchisi profilaktik ko‘rik vaqtida nazorat qiladi. Sex masteri va boshlig‘i ipni to‘g‘ri o‘ralayotganini sexni aylanib ko‘rish vaqtida tekshiradi.

Laboratoriya xodimlari ipni o‘rash zichligini, ipni massasini va uzunligini kapital ta‘mirlashdan so‘ng, bosh muhandis yoki fabrika boshlig‘i ko‘rsatmasi bilan tekshiriladi.