Идентификациялаш масаласи. Идентификациялаш синфлари. Структурали идентификациялаш. Режа

Идентификациялашдаги муаммолар. Индентификациялаш масаласини қўйишда ва ечишда асосан иккита қийинчилик мавжуд бўлади: Биринчиси, оператор синфини аниқлаш ва унда ечимни топиш. Бундай қийинчиликни ҳозирги даврда шаклан (формал) ечиб бўлмайди. Чунки, оператор синфини аниқлаш босқичида бошқариш мақсадида идентификациялаш предмети бўлган объект ҳақидаги априор ахборотдан фойдаланиш керак. Бу босқич шакллантириш мураккаб бўлган масала бўлиб, кўпгина ҳолларда эвристик усулда ечилади. Бундай ечимларни фақат инсон қабул қила олади.
Объект оператори қайси синфга тегишли эканлигини топиш учун қуйидагиларни ҳисобга олиш керак:
1. Бошқариладиган объект структураси:
2. Объектни ишлаш механизми.
3. Бошқариш мақсади.
4. Бошқариш алгоритми.
Охирги иккита пункт оператор синфини Ω идентификация қилинаётган объектни келгусидаги бошқариш билан боғлайди.
Иккинчи қийинчилик, қўйилган минималлаштириш масаласини ечишда фойдаланувчи (истеьмолчи) учун энг кам сарф ҳаражат билан ечиш талаб этилади. Бу ҳол эса ўз навбатида идентификация алгоритмини танлашда маълум чегаралар қўяди.
Демак идентификациялаш масаласи математик дастурлаш масаласига келтирилди.
Индентификациялаш усулларининг синфлари. Индентификациялаш усуллари 3 та синфларга бўлиниш аломатлари билан фарқланади ва усуллар бу аломатлар қиймати билан ҳаракатерланади:
Бу аломатлар усулларини кодлайди. Бу эса, ξ , η, ς икки қиймат қабул қилувчи структура аломатлари.
(2.8.2)
Активлик аломати ξ. Индентификациялаш жараёни актив дейилади (ξ=1), агар уни тадбиқ этишда объектни кириш ҳолатини маълум кўринишда бериш ёки ўзгартириш мумкин бўлса, яъни ташқи муҳит холатини ўзгартириш мумкин бўлса, бу жараён бошқаришдир. Агар объектда кириш ҳолатини бошқариш мумкин бўлмаса, бундай идентификациялаш пассив дейилади.
Адаптивлик аломати η. Агар объект ҳаракати ҳақидаги ахборот дархол эмас балки, ахборот β келиши билан ёки цикллик равишда ва идентификация қилинаётган параметрлар қиймати ҳар бир қадамда тўғриланилса (ёки узулуксиз) бундай идентификациялаш адаптив дейилади. Акс ҳолда идентификация усули адаптив бўлмаган η=0 дейилади. Бундай усул реал вақт масштабида ишлаш жараёнларига тадбиқ этилади. Бу усулда ҳар доим идентификация қилинаётган параметрлар қиймати яхшиланиб боради. Шунинг учун бу усулни параметрлар вақт бўйича секин ўзгарадиган (силжийдиган) объектларни идентификациялаш жараёнида қўлланилади.