Ict glossary Final Book 2004 10 26. doc

Ll

lazer disk

ingl.: laser disk rus.: лазерный диск

Lazer nuri yordamida o‘qiladigan, disk shaklidagi ma’lumotlar tashuvchisi. Ikkilik sanoq tizimida berilgan ma’lumotlar metall yoki polimer lazer disk ustiga kuchli lazer nuri yordamida mayda chuqurliklarga (pit) va ular orasidagi o‘rtaliklarga (lands) yoziladi. Biroq, chuqurliklar va o‘rtaliklar ikkilik kodining bir va nollariga mos bo‘lmaydi. Yozish disk markazidan chetlariga o‘tkazilgan spiralsimon yo‘lkalar bo‘ylab amalga oshiriladi. Bitta diskda matn, tovush, tasvir kabi shakllarda axborotlarni yozish uchun mo‘ljallangan turli formatlardagi yo‘lkalar (treklar) mavjud bo‘lishi mumkin. Shaxsiy kompyuterlarda tahminan 650 Mbayt hajmidagi ma’lumotlarni saqlash imkonini beradigan kompakt-disklar (CD) qo‘llaniladi. Ushbu hajm standart bilan tasdiqlangan bo‘lsa-da, yo‘lka yoki pitlarning qalinroq joylashishida diskda ko‘proq hajmdagi ma’lumotlar saqlanishi mumkin. Lazer disk bir marta yoziladigan — CD-R (CD-Recordable — yoziladigan CD) va ko‘p marta yoziladigan — CD-RW (CD-Rewritable — qayta yoziladigan CD) bo‘lishi mumkin. CD-R va CD-RW atamalari yozish moslamalarini, hamda disklarning o‘zlarini ham bildiradi.

LET

qisq.: Logical Equipment Table

Mantiqiy qurilmalar jadvali. MS-DOS da ishlatiladi.