Ibragimov nutfillo salimovich destinatsion menejment

Informatsion  texnologiyalar  bo`limi
  yig`ilgan  axborotlarni  bir 
tizimga kiritish, ularni potensial tashrif buyuruvchiga yetkazib berish va 
turistik  taklif  tizimini  tashkil  qiluvchi  barcha  sub`yektlar  o`rtasida 
ma`lumot  almashishni  ta`minlash    maqsadida  infotuzilmalarni 
shakllantirish, ya`ni mahalliy sayohatgohning veb portalini,  call center 
(telefon orqali ma`lumot beruvchi markazlar), elektron kiosklar (tashrif 
buyuruvchilar  gavjum  joylarda  ma`lumot  yetkazib  beruvchi  yuqori 
texnologiyalarga asoslangan elektron mashinalar), uyali aloqa vositalari 
orqali  ma`lumot  beruvchi  tizimlarni  shakllantirish  bilan  shug`ullanadi.  
U eng belgilovchi rolni o`ynaydigan bo`lim bo`lib, amalga oshiradigan 
faoliyatning  sifatidan  sayohatgohda  mavjud  barcha  muassasalar 
o`rtasida  ma`lumot almashinish tezligi, uning tashrif buyuruvchiga qay 
tarzda  yetkazib  berilishi  va  sifati,  qolaversa  sayohatgohni  boshqarish 
jarayonining (ham taklif va ham talab tomonidan)   qanchalik samarali 
bo`lishini taqozo etadi. 
Sayohatgohlarni  bozorlarda  tanishtiruvchi  va  tijoratlashtiruvchi  
veb  portallar  “Destinatsion  menejment  tizimlari”  (“Destination 
management  systems”  -  DMS)  deb  nomlanib  [78,23-26;  124,34-39], 
ularning  shakllanishida  milliy  va  mahalliy  sayohatgoh  boshqaruv 
organlari  qatnashadilar.  DMSga  sayohatgohlarda  taklif  qilinadigan 
xizmatlar  va  turistik  jozibadorliklarga  tegishli  barcha  ma`lumotlarni 
markazlashgan  holda  bir  joyga  yig`ib,  keyinchalik  veb  portal  orqali 
targ`ibot qilish va tijoratlashtirish imkoniyatini beradigan 
hududlarning 
integratsiyalashgan  axborot  tizimlari
  deb  ta`rif  berish  mumkin.    DMS 
bir vaqtning o`zida ham texnologik ham boshqaruvga oid tuzilma bo`lib 
hisoblanadi. Sayohatgohning veb portali alohida e`tiborga molik masala 
bo`lib, uning xususiyatlari haqida keyingi paragrafda to`xtalib o`tamiz.