Ibragimov nutfillo salimovich destinatsion menejment

2.”Individual” turizm segmenti uchun: 
-  “Yetti  Pir”  ziyoratgoh  hududi  doirasida  turistik  ehtiyojlarni 
qondirishga qodir bo`lgan infra- va infotuzilmani yaratish; 
-  ushbu  ziyoratgoh  hududida  sayohat  qilishni  rag`batlantiruvchi 
chora-tadbirlarni ishlab chiqish. 
“Yetti  Pir”  turistik  yo`nalishidan  o`rin  olgan  barcha  diqqatga 
sazovor  joylar  haqida  to`plangan  ma`lumotlarni,  rasmlari  bilan,  hamda 
Buxoro  viloyatidagi  turistik  xizmat  ko`rsatuvchi  barcha  korxonalar 
haqida  ma`lumotlarni  O`zbekiston  hududida  faoliyat  ko`rsatadigan 
mahalliy  turoperatorlarga  mahalliy  sayohatgoh  boshqaruv  organi 
yetkazib  beradi.  Ushbu  tadbirni  amalga  oshirib  u  Buxoro  hududining 

---

 
 
 
94 
yangi  turistik  imkoniyatlarini  ochish  manfaatini  ko`zlaydigan  tashkilot 
sifatida namoyon bo`ladi. 
Mahalliy turoperatorlar esa ushbu ma`lumotlardan foydalanib yangi 
“Yetti  Pir”  ziyoratgoh  paketini  tayyorlab,  uning  yagona  turistik 
mahsulot  sifatida  tijoratlashtirishdagi  barcha  sa`y-harakatlarni  amalga 
oshiradilar.  Aytish  joizki,  turoperatorlar  “Yetti  Pir”  turistik  paketidan 
o`rin  olgan  mehmonxona,  restoran,  transport  vositalari  kabi  xizmat 
ko`rsatuvchi korxonalardan qaysi birini tanlash va turistik paketni qaysi 
narxda  sotish  bilan  bog`liq  bo`lgan  qarorlarni  mustaqil  qabul  qiladilar. 
Ya`ni,  “Buxoro  destinatsiya”  menejment  kompaniyasi  “Yetti  Pir” 
ziyoratgoh  hududida  sayohat  qilish  jarayonida  qaysi  xizmat 
ko`rsatuvchilari  bilan  hamkorlik  qilish  kerakligi  borasida  biror 
ko`rsatma bermay, turistik paket narxining bozor mexanizmlari asosida 
shakllanishini ta`minlasa, uning raqobatbardoshligi yanada oshadi. 
“Individual”  turizmi  segmentining  ehtiyojlarini  qondirish  uchun 
infotuzilmani 
 
joriy 
qilish, 
infratuzilmani 
takomillashtirish, 
sayohatgohda sayohat qilishni rag`batlantirish chora-tadbirlarini ko`rish 
darkor. 
Xullas,  ushbu  tadbirlar  amalga  oshirilgandan  so`ng,  yuqorida  zikr 
etilgan  “O`zbekistonning  durdona  shaharlari”  va  yangi  Buxoroi 
Sharifning  “Yetti  Pir”  sayohatgohlari  boshqa  xalqaro  darajadagi 
sayohatgohlar  bilan  raqobatlasha  oladigan  hududiy  hamda  mahsulot 
birligiga aylanib,  quyidagi xususiyatlarga ega bo`ladilar: 
-  sayohatgohlar  milliy    sayohatgoh  boshqaruv  organi  sa`y-
harakatlari evaziga turistik oqimni mustaqil vujudga keltirishga erishib, 
tashqi turoperatorlar faoliyatlaridan tobe` bo`lmaydilar; 
-  turistik  oqim  mavsumiy  xarakterga  ega  bo`lmay,  tadbirlarni 
o`tkazish  va  tashrif  buyuruvchilarni  vujudga  keltiruvchi  bozorlarda 
mustaqil  marketing  targ`ibot-tashviqot  ishlarini  olib  borish  natijasida, 
uning barqarorligiga erishish mumkin; 
-  joriy  qilingan  info-    va  infratuzilmalar  nafaqat  “tashkil  qilingan” 
balki  “individual”  turizmi  namoyandalarining  har  ikkala  sayohatgoh 
doirasida sayohat qilish imkoniyatini berishga moslashadi; 
- vositachilar xizmatidan foydalanmasdan turib turistik ehtiyojlarni 
qondirishga qodir shart-sharoit shakllanadi; 
-  o`tkaziladigan  tadbirlarning  ommaviy  tus  olishi  va  respublika 
miqyosida  nishonlanishi  nafaqat  xalqaro  turistik  oqimlarni,  balki 

---

 
 
 
95 
mahalliy  turistik  oqimlarni  jalb  qilib,  xalqaro  va  ichki  turizmning 
ravnaq topib rivojlanishiga olib keladi; 
-  alohida  faoliyat  olib  boradigan  mahalliy  turoperatorlarning  bir-
biriga  o`xshash  turistik  yo`nalishlarni  taklif  qilishlari,  ularning  veb-
saytlarini  tahlil  qilish  jarayonida  namoyon  bo`ldi.  Integratsiyalashgan 
marketing  faoliyatini  olib  borish,  mahalliy  turoperatorlarning  taklif 
qilayotgan “turistik paketlar”ning xilma-xil bo`lishiga olib keladi, ya`ni 
ichki raqobatning kuchayishiga sabab bo`ladi; 
-  sayohatgohlashtirishning  boshlang`ich  davrlarida  turistik  sohada 
faoliyat  olib  boradigan  turistik  korxonalar  o`z  xizmat  va  tovarlarini 
vujudga 
keltiruvchi 
bozorlarda 
tijoratlashtirishning 
yangi 
imkoniyatlaridan bahramand bo`lish maqsadida hamkorlik rishtalarining 
shakllanishiga  olib  kelsa,  keyingi  bosqichlarda  bu  munosabatlar 
takomillashgan  infra-  va  infotuzilmalarni  joriy  qilishday  yirik 
tadbirlarni o`tkazishda ham qo`l kelishiga ishonchimiz komil.