I qism. Vagonlari elektr uskunalarining qisqacha tavsifi

2.2. Yo‘lovchi vagonining vagon osti magistrallari sxemasi
Yo‘lovchi vagoni quyi va yuqori kuchlanishli elektr ta’minoti tarmog‘ining vagon osti magistrallari sxemasi 3-rasmda berilgan.

Vagon elektr ta’minoti tarmog‘ining quyi voltli vagon osti magistrali 4 trubalar ichidan o‘tib, taqsimlash shiti 3 ga borib ulanadi. Vagonlarning chekka devorlarida bu magistral shtepselli ajratgich(raz’em)lar 7 bilan tugaydi. Magistral 4 o‘z elektr energiya manbai ishdan chiqqan vagonni qo‘shni vagonlarga ulash imkonini beradi. Bu maqsadda vagonning taqsimlash shiti uch holatga ega bo‘lgan paketli uzib-ulagich bilan ta’minlangan: “normal ekspluatatsiya”, “magistralga uzatish”, “magistraldan qabul qilib olish”. Magistralga uzatiladigan tok, 20-25 A qiymati bilan cheklanib, bu soz vagon generatoriga ortiqcha yuklama tushishining oldini oladi. Vagon osti magistralidan ta’minot olishda faqat harakat xavfsizligini ta’minlaydigan signalizatsiya zanjirlari, shuningdek avariya yoritgichlari (cho‘g‘lanish chiroqlari) yoqilishi mumkin.

3-rasm. Yo‘lovchi vagonini vagonosti magistral o‘tkazgich sxemasi
Yuqori voltli vagon osti magistrali 2 truba ichidan o‘tkazilgan. Vagonning chekka devorlarida yuqori voltli shlepsellar 6 va rozetkalar 1 joylashadi; vagonni uzishda shtepsel qo‘shni vagon rozetkasidan chiqarib olinib, bo‘sh (xolostoy) rozetkaga 5 qo‘yiladi. Magistral himoya va kommutatsiya apparaturasi joylangan yashikka 9 ulangan. Yuqori voltli yashikdan simlar suv isitish qozoni 10 isitish elementlariga yoki vagonda joylashgan elektr pechlarga (elektr yordamida isitishda), shuningdek havo quvuridagi elektr kaloriferga tortilgan.