I. O‘quv fanining dolzarbligi va oliy kasbiy

---

---

2

---

3
I. O‘QUV FANINING DOLZARBLIGI VA OLIY KASBIY
TA’LIMDAGI O‘RNI
Xalqaro sug’urta bozorida sug‘urta faoliyatini amalga oshirilishi uning
iqtisodiyotda tutgan o‘rni va ahamiyati hamda chet mamlakatlarda sug‘urta
faoliyatini nazorat qilish shakllarini o‘rganish Respublikamiz iqtisodiyotini
modernizatsiyalash sharoitida sug‘urta faoliyatini takomillashtirishga xizmat
qiladi. Hozirgi paytda xorijiy mamlakatlarda sug‘urta faoliyat yuritayotgan
sug‘urta kompaniyalari tomonidan ko‘rsatiladigan sug‘urta xizmatlari va uni
O‘zbekiston sharoitida samarali qo‘llashga katta e’tibor berilmoqda. Ammo,
sug‘urta bozori infratuzilmasi to‘liq shakllanmagan. Mazkur fandan dars berish
jarayonida talabalarga xorijiy mamlakatlarda sug‘urta faoliyatini amalga
oshiruvchi sug‘urta kompaniyalari va ularning tashkil etilishi hamda sug‘urta
faoliyatini davlat tomonidan tartibga solinishi, shu bilan bir qatorda sug‘urta
tashkilotlarining investitsiya faoliyati bo‘yicha atroflicha o‘rgatiladi.
O‘zbekistonda sug‘urta sohasini isloh qilish va rivojlantirish yuzasidan qator
chora-tadbirlar amalga oshirilmoqda. So‘ngi yillarda majburiy sug‘urtaning
xalqaro amaliyotda mavjud bo‘lgan turlari mamlakatimizda joriy etildi. Buning
natijasida sug‘urtaning yanada ommalashuvi, fuqarolar, korxona va
tashkilotlarning sug‘urta to‘g‘risidagi tushunchalari kengaydi. 2019 yilning 2
avgustida O‘zbekiston Respublikasi Prezidentining “O‘zbekiston Respublikasining
sug‘urta bozorini isloh qilish va uning jadal rivojlanishini ta’minlash chora-
tadbirlari to‘g‘risida” PQ-4412-sonli Qarori qabul qilinishi sug‘urta sohasini
yanada rivojlantirish chora-tadbirlarini belgilab olish zaruratini yaratdi.
“Xalqaro sug’urta bozori” fanidan tayyorlangan ushbu fan dasturi 5231200–
“Sug‘urta ishi” ta’lim yo‘nalishi uchun mo‘ljallangan bo‘lib, unda chet
mamlakatlarda sug‘urta ishini tashkil etilishi va sug‘urta faoliyatini davlat
tomonidan tartibga solinishi hamda sug‘urta faoliyatini amalga oshirishning
huquqiy asoslariga oid mavzular o‘z ifodasini topgan. Shubhasiz, bu holat mazkur
fanning ahamiyatini belgilaydi.